【親子活動】樂悠親子推介｜自助烘焙

好耐冇分享開心事，休息日樂少晏覺時間又分享下，10月係悠大小姐5歲生日～生日活動當然唔小得，第一炮就先同佢去整．蛋．糕！

話說悠大小姐人越大耐性越少，同佢去整蛋糕當然是對佢耐性的挑戰，利申樂悠媽其實不愛煮同時亦不好甜點的，當然唔識整蛋糕，但去到我可以話任何人都可以做得成！

Bake it easy其實好多款式揀，樂悠媽揀星球當然是貪佢有得食又有得玩啦！一開始老闆會比個ipad我地坐定定睇哂成個蛋糕點整先，然後再一步步去慢慢跟住做。由於我地都係第一次整關係，老闆好好幫我地準備好哂工具同材料，識整蛋糕的達人當然可以自行拎工具自己整，完全自由冇問題！

悠姐初初都好有心機將自選顏色朱古力一層一層掃上個模上，完成後再比老闆睇，睇完唔夠厚再掃就開始冇耐性要媽媽完成，小朋友就是如此～～～

整完出面，整入面的cream，又是一層一層的倒進去再掃平，少d耐性都唔掂！而最上層的公仔圖案亦可自由選擇設計，悠姐揀了粉紅色馬仔，另外七彩繽紛的糖果亦可隨意加上去，package包埋的，不另收費。

完成了就可蓋上星球另一邊再用朱古力封實再加上星環就完成了✅歷時共3個半小時～但得到一個屬於自己獨一無二的星球蛋糕！自己蛋糕自己做，悠姐覺得好開心！比起帶佢去買一個蛋糕開心得多！最重要是：你中意在蛋糕上寫咩就寫咩，完全自由不受限制！

如果朋友生日未諗到邊度買蛋糕不妨諗下自己整比佢，既滿足又開心。＊小朋友年齡必須滿5歲

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：樂。悠。媽咪

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！