【90後，唔代表唔識湊仔！每個媽咪都係從「新手媽咪」開始】

90後已不再年輕！最大的都已經27歲，有人會認為這個年紀應該是事業搏殺期，而我已經是兩孩之母。我24歲誕下茶哥，沒有說很年輕，但好多人聽到我已經是個媽咪，都會好驚訝：「下！甘早生？」，又或者會問：「做咩甘早生？仲要兩個？」有部分人在24歲的時候，還在遊歷或者經常飛來飛去去旅行放鬆，亦都有為事業而努力！

無可置疑的是有了孩子之後，專注事業上的時間是少了，不過不代表沒有，同樣都可以為事業拼搏！兩者一樣兼顧得到！因為要返工，不能總陪在茶兄妹的身邊，但由於茶兄妹都早起，故此利用早上的時間去一起玩，又會利用帶茶茶返學的路途（因為家離學校都要25至30分鐘左右）一起聊聊天！

亦都有人會覺得有小朋友之後，私人時間少了，連去旅行都要「就住就住」！係㗎！因為旅程總會為兒子及女兒而設想，不過我可以與茶哥和茶妹製造屬於我們的回憶，那也不錯呀！

至於很多人總懷疑90後是否識生不識湊，尤其是一些跟我同年齡，不過還沒生孩子的朋友，知道我生兩個後都會懷疑的問：「你返工點樣湊小朋友？」、「你自己能夠搞定嗎？」、「你仲後生喎？你識湊小朋友咩？」老實說，很多育兒事現在我都會做，叫我一拖二出街都不是問題！然而一開始，我都是由新手媽咪走過來，不過經過這幾年的時間，我可以升班了！

我好想表達的是，不論任何年齡，生第一個都會從新手媽咪開始，同樣都是在學習！很想套用那一句「無論黑貓定白貓，只要做到野的就是好貓啦！」同樣道理，「無論是90後還是80後，只要是全心全意的為自己小朋友，就是一個好媽咪！」

Text & Photos: 茶Cha媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！