【樂悠親子好去處 香港杜莎夫人蠟像館】

【樂悠親子好去處 香港杜莎夫人蠟像館】

爸媽分享 親子玩樂 本地遊樂
By樂。悠。媽咪 on 23 Aug 2019

心水清的Fans們都知道樂悠媽咪上上星期帶咗悠姐樂少北上觀瀾湖,本來想今個星期開心分享,但現在敏感時份又風頭火勢,大家唔洗心急,待局勢緩和再去都未遲,但電芯的電始終係要放的,我們就留港消費好了,今次為大家介紹 - 香港杜莎夫人蠟像館。

說起山頂嘛,相信各位以前的少女時代實有同男朋友仔去過,樂悠媽都係一樣,距離上次上山頂都已經係N年前,今次就趁住買一送一優惠,帶埋悠姐樂少一齊去懷念一下往日情懷。萬萬想不到,今次一遊才發覺原來悉日的蠟像館加入咗很多適合小朋友玩的環節,簡直一洗過往只適合遊客的形象~

其實悠姐根本唔知入面果D「人」是誰,每一個蠟像都做得好真,每次悠姐影相前都會問我:「係咪真係假架⋯⋯佢會唔會郁架」十分搞笑。悠姐極喜歡跳舞,館內增設咗很多dancing game、又有得行Catwalk、影雜誌封面等等,小朋友們真的玩得很盡興,尤其是行CATWALK環節,樂悠媽示範行一次,悠姐又跟住行一次,惹笑非常。另外行到尾聲仲有一眾Marvel英雄們等待著小朋友,唔少得當然有悠姐的男神 - Spider-man啦,要求合照是常識吧。

廣告
廣告

而家用身份證買門票仲可以買一送一優惠買雪糕或玩咖啡自拍,樂悠媽當然用盡優惠,兩樣都有,咖啡拉花可選擇即影即有,或比現成相佢做,襯住呢個機會為香港加油。Btw,雪糕真係好好味架


同場加映:玩完香港杜莎夫人蠟像館上一層就是免費入場的3D照相館,悠姐都影咗好幾張留念,回程時悠姐電已放完,搭直通車返落中環非常方便快捷,其實留港消費都唔錯丫~~

香港杜莎夫人蠟像館
地址: 香港山頂道128號凌霄閣P101號舖

香港居民優惠詳情:
香港居民憑香港永久居民身份證或臨時居民身份證於蠟像館正門售票處購買即日入場門票,即可享「買一送一」門票優惠 (成人門票原價港幣290元),更可於館內新增設的「咖啡自拍館」以「買一送一」優惠享用自拍咖啡及/或日本北海道牛乳雪糕。

==============================

Text & Photos:樂。悠。媽咪

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook