【親子好去處】飲飲食食｜尖沙咀區親子日式放題

好耐無約過班老友出黎啦，咁啱大家都好想食放題所以朋友搵左呢間尖沙咀親子放題。

通常放題比我嘅感覺都係好迫又唔太合適帶小朋友去，而呢間岩岩好相反！
菠蘿包出左世咁耐就無去食過放題啦！
菠蘿包媽真係超級無敵好饑渴！
呢間放題有齊哺乳室、換片室、遊戲室！

當大人食緊野嘅時間小朋友就可以去遊戲室到放電啦！

啲魚生都好新鮮！而且每次上台都係放到靚一靚，一啲都唔會馬虎！

因為大家都太肚餓嘅關係，只係影左呢二張相就已經進入忘我狀態，唔記得左影相！

菠蘿包：Daddy比我食啦！
好彩呢到有熱食既烏冬，叫左一碗比菠蘿包食。
勁多唔同既飲品任飲，凍食既小食、甜品、雪榚都任拎！

整體黎講都算係幾好！
熱食既唔太多選擇⋯⋯
串燒就燒得太熟⋯⋯
其他食物都唔錯！

仲有菠蘿包媽最愛既雪榚呀！

我地星期五8點45分入場，每人$238未計加一！
建議先打去訂位，朋友都係前一日打去訂位，全場爆滿！
（菠蘿包：最抵係我呀！我唔洗收錢但係又食左好多野^ _ ^）

日悅極尚日式放題
地址: 尖沙咀麼地道67號半島中心2樓
電話: 23118888

＊珍惜食物，食得哂先好追加！
同埋可以係地下睇噴水池，依加真係好少地方有！
菠蘿包睇到好開心！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：菠蘿包媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！