超有愛！老婆等生痛到喊 老公即席表演?佢笑

生BB痛嘅程度真係人人唔同，未經歷過嘅人一定難以想像痛楚嘅程度，有啲媽媽真係痛到剩係不停流汗！咁有份入產房陪產嘅準爸爸除咗拖實老婆打氣，仲有啲咩可以做呢？內地一個男子喺陪產時，為老婆賣力演出獲大讚好老公、暖男。唔通真係人哋嘅老公特別好？

Photo from MamiDaily

內地海南省海口市一對夫婦早前喜迎一個新生命，老婆臨盆在即，老公馬上送佢去醫院準備生子。而老公同著上防菌衣入產房陪住老婆～ 陣痛中嘅老婆不停流汗，痛到成個人都縮埋一嚿，望住老婆痛到面青口唇白嘅老公十分心痛又焦急。

Photo from MamiDaily

除咗要求醫生為老婆打無痛分娩針外，學過跳舞嘅老公仲自薦為佢表演，希望可以減輕佢嘅痛楚！仲話：「老婆，等我為你跳隻舞啦！你睇完之後，應該冇咁痛㗎啦！」老公即刻播音樂，賣力演出一段民族舞！

Photo from MamiDaily

瞓喺手術床上面嘅老婆，一邊痛住流汗，一邊笑到流眼淚，見到老公咁認真為自己分散注意力，真係忍唔住笑出聲！呢個畫面真係又溫馨又感動，難怪連在場嘅醫護人員都大獲呢位男士係暖男好老公啦！

Text：Mami Editorial