【父母必知】4個壞習慣 影響BB智力發展

每個家長都希望自己嘅小朋友聰明伶俐、智力非凡。不過，其實喺生活上有唔少壞習慣都會影響到小朋友嘅智力發展，而家長往往好容易會忽視。

1. 唔食早餐

好多家長都會忽視早餐嘅重要性，但其實早餐對小朋友嘅健康十分重要，分分鐘影響智力發展。唔食早餐好易會令血糖過低、大腦缺氧、精神不振、集中力及體力下降，影響學習效率。

Photo from MamiDaily

2. 嗜甜

好多小朋友都鍾意食糖果、朱古力、飲可樂。家長甚至會利用呢啲甜食作為利誘或獎勵。小朋友食得太多甜食，唔單止會影響健康，更會影響智力。甜食會降低食欲，而且影響大腦運作。小朋友容易出現煩躁、專注力不足等問題。

Photo from MamiDaily

3. 睡眠不足

睡眠不足對小朋友有好大影響，如發育、智力及情緒等。如果唔夠瞓，可能會導致生長激素分泌不足，影響發育；會令專注力下降，影響到學習表現；令脾氣變得暴躁，導致小朋友經常哭鬧。

Photo from MamiDaily

4. 食得太飽

好多家長經常都會擔心小朋友唔夠飽，唔夠營養。但其實食得太多，反而會加重小朋友胃腸道負擔，令佢哋難以吸收及消化。除此之外，食得太飽，胃腸就需要更多血液，而腦部則相對容易出現缺血情況。不但會影響腦部發育，更會損害小朋友嘅智力發展。

Photo from MamiDaily

Text：Mami Editorial