【另類的愛錫？ 無時無刻掛個「凍」字喺嘴邊】

有一種凍，是婆婆嫲嫲覺得你好凍！唔知點解老一輩的湊B觀念往往會認為他們只會凍而不會熱

凍會冷親、會病，難道熱就不會病，不會焗親嗎?

就算外面成34度高溫，連我自己都熱到溶了，但仍然覺得BB會凍，要給他們穿上厚厚的衣服

不論是餵奶、換片，都要給他們蓋上棉被

無時無刻都掛個『凍』字喺嘴邊，提防小心冷親

我雖然是一位新手媽媽

但我仍然有體溫的感覺

有觀察的判斷能力

這個凍由小Timson出世至今一直被籠罩著，但正正他是一名大汗BB喔!

每次下班回家後

看著他滿面通紅的樣子

抱起他時背部幾乎全濕透

還從他身體裡散發出一陣異味

雖然我好明白長輩愛錫孫兒的用心

我也明白BB凍親病了是可大可小的事

但其實BB體溫較成年人高出1至2度

日常只需要保持室內溫度25度左右

安在家中也不用穿太多衣服喔!

試過有次外面刮大風回家後看見所有窗戶關掉

小Timson穿了長衫長褲正在睡覺中，並同時蓋上被子

何解不開窗？

再摸摸他的腳板底笠痴痴的帶濕

卻被回應:

『外面大風我覺得好凍喔!』

『佢腳板底濕唔係熱呀! 係飲得太多奶濕熱呀!!』

『BB熱唔怕既』

又試過一夜開冷氣後，翌日早上關了冷氣卻不開窗

小Timson正在睡覺中

一心打算冷氣的冷可以鎖緊在室內不溜走

但其實這樣是十分危險的事

最近我看了一則外國新聞，就是因為關了冷氣後不開窗

導致室內空氣越來越少，不流通最後釀成嬰兒猝死的悲劇

卻被回應:

『你唔好咁緊張啦!』

『BB熱唔怕既』

『唔會啦好涼爽』

以上種種

從每晚幫他沖涼時

從他的皮膚上便會看到了一切

身上的熱痱、汗疹就是最好的答案

而作為一位在職媽媽，無可否認付託給長輩後便要接受及信任他們的育兒方法

不可存在質疑

不能終日抱怨

但我個人覺得有時也要為長輩進行思想教育

可以從新聞及多方面去灌輸、舉事例

到最後

其實他們的出發點都是希望小Timson可以健康地成長喔!

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Yuki Hui's Life Blog

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！