成日「嘔藥」點算好?餵BB食藥5大技巧

成日「嘔藥」點算好?餵BB食藥5大技巧

mami熱話
ByJacquelineon13 Aug 2019Senior Editor

BB病咗,做父母除咗擔心之餘,仲好頭痛!十個有九個BB都一定扭計唔肯食藥,咁點算好?今次就同大家分享幾個餵BB食藥嘅小技巧,學識之後就輕鬆得多啦!

MamiDaily
Photo from MamiDaily

1. 唔好捏鼻

小朋友抗拒食藥時,好多家長會捏著小朋友鼻子,令佢哋張嘴,強行餵藥。呢個做法十分危險。因為當小朋友唔能夠用鼻呼吸,單靠嘴巴呼吸,好容易會嗆到,甚至因氣道被堵而導致窒息死亡。

2. 睇準時機

好多小朋友都會「嘔藥」,特別係食完飯後再食藥,佢哋會將食物同藥都嘔返晒出嚟。家長最好喺小朋友進食後最少一個鐘先餵藥,或者空肚食藥。只要根據指定嘅時間服藥,大部份藥物都可空肚服用,建議先向醫生查詢。

MamiDaily
Photo from MamiDaily

3. 半臥姿勢食藥

要注意小朋友嘅食藥姿勢,如平躺食藥,好易會嗆到。家長應該畀小朋友半躺喺自己懷中,用針筒、滴管或小湯匙,將藥慢慢流入佢哋口內。過程中,家長可以輕輕托起小朋友下頜,或兩頰,幫佢哋吞嚥,切忌過急。

MamiDaily
Photo from MamiDaily

4. 唔好將食物、藥物混合

小朋友唔肯食藥,家長或會選擇將藥物與其他食物混埋一齊,畀小朋友食,如:牛奶、果汁及麵包等。但咁樣做其實可能會降低咗藥物嘅效能,令小朋友無法完全吸收。因此最理想都係單獨服用藥物。

5. 用食物作獎勵

家長期可以準備一啲濃味食物,以引誘小朋友乖乖食藥。只要味道香濃,相信便能吸引到小朋友,如:小蛋糕、餅乾或啫喱等。呢啲小食同時可以減少藥物喺小朋友嘴裡留下嘅苦味。

Text:Mami Editorial

Share to Facebook