download MamiDaily 親子日常 app
被斥唔教仔 全職媽媽遭家暴欲跳樓

被斥唔教仔 全職媽媽遭家暴欲跳樓

全職媽媽
By Jacqueline on 12 Aug 2019
Senior Editor

日前,內地一位媽媽哭訴自己16個月大嘅BB只會叫爸爸,唔識叫媽媽,而老公因此責怪起來,更出手打佢。媽媽感到非常委屈,拎住菜刀坐咗喺窗台欲自殺。

據報導指,呢位媽媽生咗BB後,就全職照顧BB。每日除咗要湊BB外,仲要處理家頭細務,非常疲累。媽媽坐喺窗台,半個身跨咗出窗外,激動地表示:「孩子依家16個月大,淨係識叫爸爸,唔識叫媽媽;又未識用飲管,只係識用奶嘴。」媽媽指丈夫因此怪責佢。

MamiDailyPhoto from MamiDaily

媽媽又續指,本身囝囝差啲變成早產兒,學講嘢慢啲都係正常,但丈夫唔體諒及理解之餘,仲怪佢冇教囝囝。媽媽認為孩子嘅問題,係父母親雙方都有責任,而丈夫就只怪責佢,因此忍唔住同丈夫嘈起上嚟,結果丈夫拎起iPad打佢,個嘴不停流血。

MamiDailyPhoto from MamiDaily

媽媽感到非常委屈,產生輕生嘅念頭,拎住菜刀坐咗喺窗台欲自殺,老公見狀,於是低下頭向老婆道歉。同時向警察表示自己鼻樑都被老婆打腫咗。而媽媽經警察勸喻後,亦從窗外走回家中。

事件引來不少迴響,好多網民都留言指自己嘅小朋友都係好遲先識講嘢,而且都係先叫爸爸,因發音較容易,認為呢種情況並冇問題。另外,亦有網民指當全職媽媽並不容易,加上女士可能會有產後抑鬱問題,大家應該多關注及體諒。

Text:Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道