6個禮貌習慣 你的子女做到嗎?

6個禮貌習慣 你的子女做到嗎?

mami熱話
ByJacqueline on 09 Aug 2019 Senior Editor

正所謂「禮多人不怪」。「禮貌」必須從小教導養成,而孩子與家人朝夕相對,最容易模仿佢哋嘅行為言語舉止,因此家長一定要做個好榜樣。家長不妨留意一下自己子女有沒有具備以下的禮貌習慣。

MamiDaily
Photo from MamiDaily

1. 禮貌用詞

自小朋友學會說話起,家長就應該教導佢哋喺不同情況下必須使用嘅禮貌用詞,例如:請求人哋幫忙時,要講「請」;得到人哋幫忙時,要講「唔該」;人哋畀嘢自己時,要講「多謝」等等。要令小朋友將呢啲禮貌用詞掛喺口邊,成為習慣。

2. 唔好打斷人哋

小朋友較容易以自我為中心,而且耐性有限。遇到不如己意嘅事情,會馬上作出反抗。例如:打斷人哋講嘢。家長要教小朋友學識專重及聆聽其他人。

3. 先敲門後進入

從小開始就要教小朋友唔可以隨便入房,進入前應先敲門,知會房內嘅人。家長要令子女將呢啲小舉動變成習慣,即使喺屋企,都必須咁做。

廣告
廣告

4. 雙手接取物件

當人哋遞嘢畀自己時,要用雙手接住,並且講「唔該」、「多謝」。

5. 切勿不問自取

小朋友娟多時會因為好奇心,隨便拎起其他人嘅物品。父母應該教導子女,拎起或觸碰其他人嘅物品時,要先詢問對方,得到人哋同意後先可以行動,唔可以養成不問自取嘅習慣。

6. 見到熟人要打招呼

不論喺街上,定係有親朋戚友上門拜訪,家長都應該要求小朋友同人打招呼。唔好用「小朋友怕醜」嚟做藉口,基本點頭,簡單一句「Hello」,都顯得小朋友有家教、有禮貌。

Text:Mami Editorial

Share to Facebook