【媽媽要堅持 錫佢定寵佢只差一線】

茯柃就黎22個月,trouble 2已經隱約感覺到喇!佢地好清楚知道邊個錫佢邊個易恰d,邊個無咁易恰！

唔知其他媽媽有無呢個情況呢?

茯柃明明係自己屋企食飯食得好好!自己食,唔洗人餵,30分鐘內一定食完!

但去到6299屋企就完全相反！食兩啖就扭扭另另,指下東指下西,又點6299餵下,見到有其他野,仲之係飯枱以外既就要求食!

對於錫孫錫到燶既6299會點做？緊係秒比佢食啦

呢個時候就一定要制止佢地！你要食,可以！食曬飯先！有時佢地會話比dd佢食再食飯,我死都話唔得,食曬飯先！

食飯呢樣野我好堅持,一但你開錯左個頭之後就大鑊！

同埋佢知6299錫佢,一定會比佢！所以佢只會要6299拎比佢食,唔會叫我同爸爸比佢食！呢d叫古惑/醒目?!

呢個情況發生太多次,而家6299預到呢個情況只會同茯柃講,要食曬飯先食得喎/要問左媽咪食唔食得先？

所以有時有d野真係要堅持！唔好錫佢變成害佢！

你大人都唔會食食下飯走去開包薯片食拎支雪條食掛?!係咪先！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：茯柃媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！