【戒尿片真係要講時機 媽媽們不要心急】

【戒尿片真係要講時機 媽媽們不要心急】

爸媽分享 mami熱話 湊B趣聞

一般黎講,喺小朋友1歲半至2歲期間,如果觀察到佢有一啲特定的跡象,就可以開始訓練佢戒尿片,通常3歲前就可以成功戒到。  當然,每個小朋友既進度都不同,不能一概而論。禧家姐喺2歲11個月成功戒到尿片, 但我想分享下佢既驚嚇戒尿片過程!

戒尿片好時機係當你小朋友有明顯徵兆用廁所,例如:

-有便意時想除去尿片

-尿片污糟會發脾氣或感覺不自然

-直接表達你知佢想用廁所

而我就係一個錯誤既示範!我無細心觀察戒尿片既徵兆,有少少心急想幫小朋友戒尿片,以致有反效果。

話說喺禧家姐大概2歲既時候,有一日佢無端端扯住條褲同我講要去wee wee, 我極速跑去洗手間攞佢個私伙細座廁俾佢,跟手幫佢除褲,除尿片坐上座廁,佢竟然肯去,仲要去埋poo poo。 但可能係第一次用座廁,佢覺得好好奇,全程彎低身睇住自己去廁所既過程,突然間佢發現有poo poo 喺自己個pat pat 走岀黎,即刻嚇到大喊仲彈起身周屋走,但當時佢pat pat 仲癡住左舊poo poo 未去完,我好不容易先可以令佢冷靜返,但佢個表情話俾我知佢好驚,嗰一刻我已經心知不妙佢既戒尿路應該要泡湯,佢應該係未準備好要戒尿片。結果,真係俾我估中,由嗰次之後禧家姐唔肯再用個細座廁,繼續用返尿片。

兩個月之後,我再嘗試鼓勵禧家姐用細座廁,今次我買左另一個新既俾佢,因為我怕佢對之前嗰個座廁有陰影,點知都係失敗,佢完全唔想坐落去,感覺仲係好抗拒。之後我都冇再嘗試俾佢用座廁,決定佛系戒尿片。

最終係兩星期前,家姐突然間同我講要用大人廁所,唔要去落尿片度,我又即管俾佢試下,今次佢都係wee wee poo poo 一齊去,好順利,過程絕無抗拒感,去完仲話要沖廁同洗手,由於佢喜歡用大人廁所,所以又買多個小童廁板俾佢,自嗰次之後就開始真正戒左早上尿片,至於夜晚尿片相信仍需要包片幾個月。一般早上訓醒發現尿片依然係乾的話,就可以開始戒夜晚尿片了。

所以,如果你準備幫小朋友戒尿片,請不要太心急,只要時機一到,好快就戒到。

#戒尿片好時機 #心急 #三個小朋友座廁 #佛系戒尿片 #hkblogger #親子blogger #fulltimemom

==============================

Text & Photos:禧。熙。之生活點滴

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧! 9/

Share to Facebook