面對孩子NoNoNo 兒童諮商心理醫生教你要點做

由嬰兒時期BB仲未聲講嘢，會嘩嘩叫叫去表達自己想要咩，雖然有時都唔係好知佢想要咩，但都不外乎「要飲奶、要換片、要抱抱」但到1歲半後，小朋友開始係建立自我，出現自我主張，成日都話「唔要！唔要！唔要！」，面對有好多類似個案，爸媽都唔知，到底順從仔女到咩程度？到底要容忍仔女到幾時？

《0-3歲爸媽安心育兒給對愛就不怕寵壞》嘅作者兼兒童諮詢商心理醫生明橋大二就係書中教教爸媽點樣面對！

首先，向仔女表示理解佢嘅心情

「你係唔係想做OO呀？但係你做唔到所以好嬲？」／「你鍾意依樣嘢？但係爸媽講咗唔得，你係唔係好難過？」

跟住就係氹氹同抱緊佢，如果小朋友仍然冷靜唔到，就要同佢講理由

「但係我哋依家出門口，返嚟再做喇！」／「因為依家到瞓覺時間喇！我哋要下次先可以做～」

如果小朋友仍然唔聽話，又喊又鬧，但要堅持唔得嘅事就要話唔得

如果面對係第一次反叛，就可以加以讚賞，「嘩！媽媽知道你好叻，你一定會做到㗎！」但有時未必可以即刻解決，可以反覆進行幾次，小朋友會開始知係同爸媽建立嘅規距，亦會慢慢聽你嘅說話～

兒童諮詢商心理醫生亦同時指出，面對「小惡魔」爸媽都要知道其實小朋友本來就係唔會同唔識遵守規距同道理，所以希望佢可以注意到小細節其實係冇可能，但唔代表就可以順從，而係要慢慢潛而默化佢哋學會規則，而爸媽當下做到嘅同一定要阻止做嘅係「危險嘅事情」、「傷人嘅事」、「會打亂生活作息嘅事」！

Text：mamiDaily

Sources：《0-3歲爸媽安心育兒給對愛就不怕寵壞》授權轉載