睡前故事由父親負責 效果更佳?

睡前故事由父親負責 效果更佳?

mami熱話
By Circle on 23 Jul 2019
Digital Editor

好多父母都會為小朋友準備故事書,除咗畀佢哋空閒嘅時候閱讀外,夜晚瞓覺之前都會陪佢哋睇一陣書,或者講故事𠱁佢哋瞓覺。有研究指出,爸爸負責講床邊故事更有效,各位媽媽可以放心交畀老公啦!

MamiDailyPhoto from MamiDaily

講故事除咗內容、時間長短之外,連邊個負責講都好重要!一項哈佛大學研究發現由父親講故事嘅話,小朋友能夠從中獲得更多好處。男性同女性講故事時嘅處理方式好唔同,由女性講解嘅時候,佢哋一般會提出一啲事實性問題,例如:「呢棵樹上面有幾多個蘋果?」

MamiDailyPhoto from MamiDaily

廣告
廣告

反而男性好鍾意問一啲較抽象嘅問題,好似「睇吓呢度有一條梯,記唔記得爸爸架車上面有條一樣嘅梯啊?」負責呢項研事嘅Elisabeth Duursma博士指出,呢啲互動鼓勵小朋友思考,多加使用大腦,對佢哋嘅語言發展好有幫助。

MamiDailyPhoto from MamiDaily

博士亦指好多人誤將閱讀視為一項女性活動,由爸爸負責講床邊故事,小朋友或會覺得好特別,同時會更留心聽書。另外,如果爸爸喺小朋友2歲之前開始親子共讀,影響或會更大!

Text:Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道