BB喺肚入面嘅感覺好神奇！BB出世後 媽媽最懷念嘅5件事

大住個肚嘅時候，好想BB快啲出世，可以快啲見到佢。依家佢出咗世之後，媽媽雖然好愛佢，不過真係有啲掛住以前未生仔嘅時候。相信各位媽媽都好懷念以下呢5件事～

Photo from MamiDaily

1. 掛住仲陀住BB嘅時候
BB仲喺自己嘅肚入面，成日感受到胎動真係好神奇。無論去度邊BB都同自己連為一體，BB經常手舞足蹈，好似佢無時無刻都陪住自己咁，真係好幸福。依家BB雖然都喺自己附近，但係就冇咗切切實實血脈相連嘅感覺。

Photo from MamiDaily

2. 隨時外出
未生BB之前，想去邊度，話行就行，唔使執一袋二袋先可以行！想去邊度老公都會帶自己去，唔使理個地方適唔適合小朋友去。

3. 二人世界
自從有咗BB後，老公用多咗時間陪自己！成日同自己周圍去玩、食好嘢～ 唔開心又會聽自己埋怨，關心自己嘅程度節節上升，二人世界嘅時間都多啲。生咗BB之後，兩公婆都忙住照顧BB，都冇乜時間諗其他嘢喇。

Photo from MamiDaily

4. 地位急速下降
BB出世後，佢就係全家嘅寶貝，個個都擺佢喺第一位，而媽媽就慘降至第二位。做啲咩都以佢為先，大家唔好唔記得個BB係媽媽好辛苦咁生出嚟㗎！錫BB嘅同時，一定要多啲錫老婆啊！

5. 肥都唔會叫你減
陀住BB成日都聽到「你唔食，BB都要食啦」、「食多啲啦」！就算食幾多嘢、肥咗幾多，都有BB做擋箭牌，真係肥咗都唔會成日畀人叫減肥～（開心）

Photo from MamiDaily

Text：Mami Editorial