【家長注意！】女兒疑坐餐廳嬰兒椅引致全身敏感

By Jacqueline on 14 Jul 2019

Senior Editor

日前，馬來西亞一位媽媽喺社交網站上以長文分享囡囡皮膚敏感事件。媽媽指因為帶囡囡出去食嘢，未有幫囡囡清潔乾淨嬰兒椅，而令佢全身出現皮膚敏感。

該名媽媽非常自責，喺社交網站上指自己好粗心，帶囡囡去食嘢，只係用咗濕紙巾隨便抹咗一下餐枱，並冇抹晒成張櫈。結果囡囡坐低一陣，眼睛下方就開始紅起來。起初媽媽並冇為意，但見到囡囡唔肯食嘢，情緒又唔穩定，雙手開始不停?耳仔、頸，又哭又鬧，以為係畀蚊叮。

Photo from MamiDaily

但返到屋企，發現囡囡成塊臉、頸、背部、關節位全部都又紅又癢，嚇得即時為佢搽上蘆薈啫喱。後來帶囡囡睇醫生後，證實係因為嬰兒椅嘅灰塵或跳蚤而導致敏感。媽媽表示公開發文並非要將責任推卸到餐廳上：「我連消毒都沒做好，我就沒資格替自己的失職拿餐廳不衛生來當藉口，開貼說這些真的只是想說消毒液真的很重要。」提醒各位家長消毒液真係好重要，要多用，千祈唔好怕外人覺得自己小題大做。