【小心】為延長蔬菜保質期 菜檔將娃娃菜沾染致癌物

近日喺網上流傳，山東有批發市場嘅批發商為咗延長蔬菜嘅保質期，喺包裝娃娃菜之前，將菜嘅根部沾染一啲不明液體，而液體經過檢驗後，證實為致癌物甲醛。

除咗山東，位於江蘇揚州嘅蔬菜批發市場都有同類事件。根據內地媒體報導，菜檔負責人用紙將娃娃菜包住，菜嘅根部同葉都濕透，惟菜檔表示係水蒸氣，更指可以存放多日。

Photo from MamiDaily

而內地媒體分別買咗4份娃娃菜進行檢驗。結果其中2個樣本驗出有甲醛。甲醛屬於一級致癌物，雖然有防腐作用，但並不能夠用作食品防腐。相信菜檔係為咗將蔬菜嘅保質期延長，而喺菜嘅根部沾染甲醛。

Photo from MamiDaily

估計除咗娃娃菜外，其他保質期比較短嘅蔬菜，都有可能被沾染甲醛。由於沾染甲醛嘅蔬菜並無辦法單憑肉眼識別，建議市民應將蔬菜用清水浸泡多次，去除菜中嘅甲醛。否則長期進食含甲醛嘅蔬菜，對身體有好大傷害，不但會破壞人體免疫系統，更可能會引致癌症。

Text：Mami Editorial