【唔好亂食！】孕婦不能吃的4種水果

懷孕期間，好多媽媽都唔敢亂食嘢，希望可以盡量食多啲有營養嘅食物，等胎兒吸收得好啲。但除咗要注意高脂肪、高糖分嘅食物之外，其實食水果都要特別小心。有啲水果，孕婦應避免或減少進食，大家不妨參考下。

1. 榴槤

榴槤熱量非常高，而且有機會導致血糖升高，進食過多容易出現胎兒過大嘅問題。另外，榴槤會亦有機會加重便秘，以及引發胎熱，甚至損害胎兒健康。

Photo from 榴槤

2. 木瓜

由於木瓜係屬於偏寒性嘅水果，體質較虛弱嘅孕媽都不宜食太多，否則容易出現腸胃不適嘅問題。另外，寒氣亦有機會積聚喺孕媽體內，令子宮收縮，引致流產。

Photo from MamiDaily

3. 芒果

好多人都鍾意食芒果，不過孕媽就要注意，唔好食太多。喺中醫角度，芒果係一種較毒嘅水果，好容易過敏。如果本身屬於敏感體質更要特別小心。另外，芒果太甜，進食太多有機會攝取過多糖分。

Photo from MamiDaily

4. 山楂

有啲媽媽陀B初期，胃口冇咁好，會選擇食山楂。雖然山楂有開胃、舒緩孕吐作用，但體質較弱嘅孕媽就要食少啲，因有可能會引起宮縮，甚至流產。另外，除咗山楂外，其他山楂製品都要避免食用。

Photo from MamiDaily

Text：Mami Editorial