家長從旁協助 小朋友培養好習慣4大法則

「沒有規矩，不成方圓。」小朋友由細就要開始培養好習慣，家長絕對係一個好重要嘅角色。爸爸媽媽教導仔女時，記實以下4個重點啦！

Photo from MamiDaily

1. 以身作則
父母係孩子第一個學習對象，每日都有好多時間同對方相處。家長如果唔想小朋友養成壞習慣，就必須以身作則，例如叫小朋友食飯時，唔可以出聲，父母都應該一齊遵守，以免仔女有樣學樣。

2. 無限鼓勵
小朋友忍唔住做咗一啲唔好嘅行為，例如咬手指，父母唔應該即刻鬧佢，反而應該逐步逐步鼓勵佢改變壞習慣。鬧人嘅說話小朋友好難聽得入耳，仲可能會傷害到佢哋弱小嘅心靈。

Photo from MamiDaily

3. 絕對堅持
養成一個習慣需要好長時間，家長一定要時刻提醒住小朋友。以早睡早起為例，只要爸媽每天堅持同樣時間叫仔女去瞓覺，長遠嚟講小朋友夠鐘嘅時候，就會自動自覺上床瞓覺。堅持去做一件真係好重要！

4. 仔細觀察
要搵出小朋友造成壞習慣嘅原因，例如係咪因為小朋友有壓力先會咬手指呢？父母嘅角色絕對好重要，從旁協助搵出源頭，慢慢改善。

Photo from MamiDaily

Text：Mami Editorial