【為戒片做好準備|7個步驟成功訓練攣毛哥喺BB廁所柯臭臭】

我見攣毛哥坐得好好，條腰夠力坐直而且自己平衡到，我就覺得不如比佢試下坐BB廁所～

始終係片度柯左，佢自己都唔舒服又唔衛生

係佢６個月大：開始比佢接觸下BB廁所哩樣野
６個半月大：比佢試係BB廁所度柯臭臭
７個月大：已經完全習慣哂，好少好少失手係片度臭臭

要佢練成係BB廁所度乖乖甘柯臭臭緊係要花啲心機同耐性
要成功先決條件：
>要花點時間觀察下捉到佢幾時一定會柯臭臭
以攣毛哥為例：一般朝早起身後／第一餐奶後

分享整個過程：

㊀BB廁所放係當眼位置但唔比佢掂
好奇的攣毛哥愈唔比就愈想走去掂＊等佢認得同想接觸個BB廁所
㊁介紹BB廁所比佢認知
每次如常逗佢柯臭臭＊都介紹下佢眼前的BB廁所：哩個係BB廁所，可以坐上去柯臭臭架
㊂解封比佢接觸BB廁所
如事者到甘上下佢已經對BB廁所望到熟口熟面但又摸唔到，好奇心爆燈，機會黎了！解封放佢係BB廁所上面當玩*同佢講：下次不如坐BB廁所柯臭臭啦，發出平時逗佢柯臭臭的唔唔聲*比佢知道坐係BB廁所就係柯臭臭。攣毛超開心因為終於掂到同坐到係BB廁所上面，好比心機研究一番
重覆幾次著住片坐係BB廁所扮柯臭臭後，我覺得攣毛哥已經明明地坐BB廁所=柯臭臭的概念*而且完全唔抗拒個BB廁所。。就開始再進一步訓練

㊃柯臭臭時間一到放上BB廁所
我會坐係佢後面用對腳夾住佢等佢有安全感

㊄要立場堅定
初頭會有少少扭計但立場堅定要佢係BB廁所柯，捉時間捉得好氹下氹下就已經柯左
㊅讚賞＋笑容
等佢知道原來成功係BB廁所度柯臭臭係會比人讚，推動佢繼續係BB廁所度柯臭臭

㊆加深BB廁所度柯臭臭印象
比佢望下有臭臭的BB廁所，再讚佢加深佢係BB廁所度柯係會比人讚的
就係甘樣按進度慢慢每次比試多少少，不停重覆
就自然開心練成係BB廁所柯臭臭啦

當然每個小朋友發展唔一樣，今次唔成功下次再試

陪住小朋友經歷學習係辛苦的費時間的，但亦都係做父母的福氣

當佢長大有自己的世界時，你想陪到佢都難喇，一齊比心機比耐性見證小朋友的成功

而家攣毛哥柯完仲識撐起雙腳落腳想暴走！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos： 我愛攣毛哥

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！