懷孕期間大聲吵架 對BB有負面影響

有咗BB後，準媽媽做咩都會小心為上。原來連身邊嘅朋友家人都要注意自己嘅一舉一動，唔係好容易會影響到孕婦同胎兒㗎！

Photo from MamiDaily

日本高知大學醫學部（2019年）研究發現，雖然胎兒喺子官入面，不過如果當準媽媽被伴侶辱罵，BB出世嘅時候，就有可能出現聽力問題。

Photo from MamiDaily

原因係當孕婦被鬧時，神經內分泌有機會有異常改變，從而引致血液難以流向子宮。咁樣就令到胎兒宮內生長受限（Intrauterine Growth Restriction），仲會對嬰兒聽力嘅發展造成損害。

言語上嘅辱罵雖然睇落好似冇身體上嘅傷害咁嚴重，不過報告指明責罵絕對會為媽媽帶來壓力，從而對BB嘅發展產生負面影響。研究人員最後建議，喺懷孕期間兩公婆最好避免吵架，唔係影響到BB就唔好啦！

Photo from MamiDaily

Text：Mami Editorial