食安中心：孕婦進食煙三文魚 可致流產

日前，食物安全中心喺社交網站表示，煙三文魚屬於受李斯特菌污染嘅高危食物，如長者、幼兒同免疫力較弱嘅人士一旦感染咗杍斯特菌，有可能會出現嚴重併發症甚至死亡。而孕婦染病更可能導致流產、早產、嬰兒體重過輕等。

Photo from 食物安全中心

食物安全中心指，煙三文魚可以用熱熏或者冷熏方法熏製，熱熏係將三文魚喺大約攝氏70至80度下熏熟。而冷熏係喺唔高於攝氏33度嘅溫度熏製，只可以減少李斯特菌嘅數目， 但唔足以將菌完全殺滅。換言之，生嘅三文魚可能帶有李斯特菌。

Photo from MamiDaily

一般而言，食物含小量李斯特菌（例如每克食物含少於100個菌落形成單位）對市民嘅健康影響極微。但如果細菌數量增加，市民則有機會染上李斯特菌病嘅風險。大部分身體健康嘅人喺感染李斯特菌後都唔會出現病徵或只出現輕微病徵。但若果受感染嘅係長者、幼兒同免疫力較低等高危人士，則可能出現嚴重嘅併發症，如敗血症及腦膜炎，甚至死亡。而孕婦染上李斯特菌病更可導致流產、胎死腹中、早產或新生嬰兒受感染。

Photo from MamiDaily

世界各地亦曾發生過多宗冷熏三文魚因受李斯特菌污染而須回收嘅事件，亦有間接嘅流行病證據顯示受污染嘅煙熏魚類與人類患李斯特菌病有關。

注意要點：

1. 李斯特菌在冷藏溫度下仍可緩慢生長。
2. 冷熏三文魚屬容易受李斯特菌污染的高危食物。
3. 預防李斯特菌污染及控制其生長對確保冷熏三文魚的安全至為重要。

給市民的建議：

1. 高危人士應避免進食保質期較長的冷凍即食食物(例如包括三文魚在內的冷熏海產、軟芝士和切片凍肉等)。
2. 嚴格遵從標籤上的指示存放煙三文魚。
3. 切勿進食已過了"此日期或之前食用"日期的煙三文魚。

Text：Mami Editorial