【小b與狗相親相愛記】

【小b與狗相親相愛記】

爸媽分享 mami熱話 家庭關係 湊B趣聞
ByWing媽媽 on 04 Jul 2019

係有BB之前,屋企已經養左一隻小柴,由懷孕一刻開始,每一日我都會捉住小柴既腳仔放係的個肚上面,我講﹕「BB,呢個係谷谷家姐,谷谷,呢個係妹妹,你地要相親相愛呀﹗」

其實小狗真係好有靈性既動物,到我生完返屋企,我好記得小柴既緊張樣,當我地將BB放係網床之後,谷谷好緊張咁圍住張床仔轉圈,當陪月姨姨抱起BB既時侯,谷谷好緊張撲上去要姨姨放返低妹妹,因為佢以為姨姨要抱走妹妹,到BB喊,谷谷又會好緊張咁黎話我地知妹妹喊,叫我地要抱佢,谷谷所有既行為都話我地知佢真係好錫妹妹。

百日宴當然要為囡囡準備一個靚靚蛋糕啦!我一直希望蛋糕既公仔可以加入谷谷,天真既媽媽我成日諗住蛋糕係一個寓意,如果蛋糕有埋谷谷可以寓意佢地相親相愛。今次我地亦總算搵到一間整翻糖蛋糕又好味又靚靚的網上店meowbokitchen,Cable真係好好,

一開始問我蛋糕有咩要求既時候,我已經向佢表示我想蛋糕以天空同彩虹為主題,蛋糕既頂部既翻糖公仔希望係一個小女孩騎住一隻黑色既柴犬。Cable記低要求之後,就係百日宴前一星期畫好草圖比我睇下滿唔滿意,見到草圖後,<其實我已經滿意,我淨係要求佢係囡囡公仔既手上加返一個奶樽就夠。之後Cable仲問我蛋糕想要咩味?老公同家姐不約而同講左一句:「無所謂啦!呢啲蛋糕實唔好食既!」唔緊要,我就試下唔同味,最後揀左伯爵茶味(我最愛!),不過另外擔心既係,人人做翻糖公仔既技術都唔同,真係唔係人人都做得靚架麻!心裡希望靚啦!

到左當日,Cable好準時就將蛋糕送到去酒樓,大家一黎到見到個蛋糕都講:「嘩!好得意呀!有埋谷谷份架!」影相蛋糕顏色好靚,公仔又做得好仔細。亦符合左我心入面既要求。點都估唔到個蛋糕真係好好味呀!(當然啲糖就硬曬,不過中間個蛋糕仲好好味!)老公試左一啖,都同我講:「老婆!快啲試下,個蛋糕好好食喎!」呢個真係大家到意想不到既事!今次同事既好介紹之下,終於有一個又靚又好味既蛋糕啦!多謝Cable整左一個又靚又好味既蛋糕比我地,令我地既百日宴好完滿!多謝佢幫我實現左一個蛋糕有曬我兩個女之餘,仲好好味。

廣告
廣告

多謝曬Cable幫我完成心願,囡囡由出世到而家,一啲都唔怕谷谷既吠聲,我諗係因為佢一早已經係我個肚入面聽慣左,有時兩個仲會成日對望,反而係有時我鬧谷谷唔乖既時侯,囡囡會喊,好似係我鬧谷谷係我錯咁!不過,見你地咁sweet,我都好安慰。毛孩同小孩的確可以和平相處,希望所有有毛孩與小孩既爸爸媽媽都一齊努力!希望唔會再聽到因為家裡有新生嬰兒而棄養既post啦!

==============================

Text & Photos:Wing媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

毛孩

Share to Facebook