【6點證明老友錫你個B又錫你】

「老友愛錫你個B，都係因為愛錫你」

致愛屋及烏的老友們：

孕期至今，慶幸身邊有一群老友，陪伴我們經歷人生種種大事！

我們一家都帶著滿滿的愛！多謝你地！！<3
1) 得知有BB比你還要興奮
記得當初得知懷孕的時候，只是通知了家人。怎料幾乎同一時間收到兩位老友邀請我當姊妹，原來開口告知老友懷孕消息都會很緊張的！！老友們第一下當然就是驚訝，繼而就是興奮，因為我應該身邊朋友較早有BB的一位XD 。仲有老友成日速遞靚湯比我補身，真係冧死人！！

2) G4般保護你安全

出出入入不同地方，老友們????間變G4，全程保護與戒備XD。最誇張是week 9 時，我還走去看五月天演唱會，企位！企足全場！老友全程保護住我免被人群推撞，到呢刻仲歷歷在目。

3)    無條件鼓勵你，陪伴你，體諒你
準媽媽總會有很多擔憂，孕期有老友開解，聆聽，陪伴係靈丹妙藥。我係一個生B淆底獸，多謝老友們係我產前一齊party，仲有入產房前同事拍左一條模仿TAOBAO非洲兒童打氣片比我，當堂笑一笑！還有，要感謝同事們在我孕期間的照顧，扛下不少走動跑跳的工作。

4)    去邊玩，去食咩，都以你為先
生B前，老友一定會問：「有咩唔食得？」「你大肚你話事」。生B後：「我問下間餐廳夠唔夠位放BB車先」「出去唔方便，不如上你屋企！」每一句說話，都是體貼的表現！

5)    BB資訊加油站
新手媽媽一知半解，已當媽媽的老友第一時間為我搜羅很多有用資訊/BB用品，見到有用資訊又會第一時間SHARE，有咩疑問又無私解答，很有愛！！

6)    BB的尿片奶粉衣服供應商
住院到坐月期間，老友們都紛紛來探望，還破費帶一袋二袋尿片奶粉衣服～～還有送劉B初生照一輯！！我家劉B是個幸福寶寶！！都六個月了，那座尿片山還未清！可想言之，老友們有多愛錫劉B！！！他日大家有寶寶，我們定必湧泉相報啊！！<3

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：比卡媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！