【分享】運動類Playgroup介紹＋好處

坊間愈嚟愈多Playgroup，幾乎係咩類型都有。課程花多眼亂，究竟邊一種適合自己嘅小朋友？接住落嚟會同大家逐類Playgroup分享一下，等各位家長可以了解多少少。

運動類

好多小朋友都鍾意紮紮跳，活潑又好動。運動類Playgroup就好適合呢類小朋友，可以畀佢哋有更多郁動嘅機會。呢類Playgroup會設計一系列體能活動同運動遊戲畀小朋友玩，例如傳球、跨欄、攀爬接力等。

Photo from Mamidaily

好處

1. 唔好覺得小朋友跑跑跳跳就係頑皮嘅表現。其實喺佢哋郁動嘅過程中，係有助強化佢哋嘅大小肌肉。對小朋友大個執筆寫字、行樓梯等都會有好大影響。如果發展緩慢或唔理想，將來執筆寫字控制力度同速度都會較差。

Photo from Mamidaily

2. 可以促進肌肉發展外，仲可以同其他小朋友有更多互動，提升佢哋與人相處同合作技巧。另外，喺遊戲或比賽中，可以令小朋友明白到有嬴有輸，教識佢哋勝不驕，敗不餒，享受過程同從中學習先係最重要。

Photo from Mamidaily

Text：Mami Editorial