準媽媽晚期有壓力 影響BB成長？

準媽媽喺懷孕期間好多嘢都唔識又唔知點做，令到自己心情緊張。最近有研究發現，媽媽喺懷孕期間嘅壓力水平，會影響胎兒發展同佢嘅體型。

Photo from Mamidaily

新墨西哥大學嘅進化人類學家進行一項有關孕婦心理健康同胎兒發育嘅研究，特別鑽研對新生兒體重同媽媽之間嘅關係。結果發現，當一個女人喺懷孕初期有壓力時，會導致嬰兒嘅生長速度加快。然而，懷孕後嘅壓力則減慢寶寶嘅成長。

Photo from Mamidaily

研究人員表示，當妊娠晚期出現壓嘅時候，母親對胎兒投入嘅能量較少，令到佢哋喺子宮內同嬰兒期生長減慢。一旦BB唔使再靠媽媽直接獲取營養，佢哋嘅成長速度會漸漸變得正常。

Photo from Mamidaily

另外，結果亦發現妊娠晚期嘅壓力，令到初生寶寶喺依賴階段嘅成長受到影響，導致體型喺發育過程中減小；而妊娠早期嘅壓力，對BB嘅生長速度基本不受影響，而喺斷奶後，BB或會加速生長，令體型增加。

Photo from Mamidaily

換言之，媽媽懷孕後期有壓力只會影響BB喺肚入面及依賴階段成長，只要BB可以自行進食獲取營養，未來嘅發育則唔會受影響。

Text：Mami Editorial
Source：University of New Mexico