【做好準備！】4大幼稚園面試常見模式

現時香港大部分幼稚園稚園都有入學面試，好多家長為咗令小朋友有好表現，都會及早做好準備，包括了解各間學校嘅面試模式同題目等。其實普遍幼稚園稚園嘅面試模式都不外乎以下幾款，各位家長不妨參考一下。

1. 家長陪小朋友一齊面試，透過同校長或老師傾計，從而了解小朋友嘅成長背景同埋家長對仔女嘅期望，而家長亦能從中了解到學校嘅教學模式同理念。

Photo from Mamidaily

2. 小朋友揀一位家長陪同一齊進行面試，小朋友可以自行喺場內挑選玩具或圖書，老師會喺旁邊觀察小朋友同家長嘅互動，了解父母同小朋友嘅親子關係。

Photo from Mamidaily

3. 小組形式面試，而家長唔可以入內陪同，場內大概有3至5名小朋友，2至3位老師。老師會帶小朋友去唔同嘅遊戲角，趁佢哋玩緊嘅時候，老師會一邊同佢哋傾計或者一齊玩，睇下小朋友嘅反應。

Photo from Mamidaily

4. 20至30人為一個小組，老師會帶領小組一齊做體操、講故事、唱遊等。從中觀察邊啲小朋友能夠遵從到老師嘅指令，同埋留意小朋友有冇同其他人互動。

Photo from Mamidaily

Text：Mami Editorial