父母嘅角色係指導 而非批評

父母嘅角色係指導 而非批評

mami熱話
ByCircle on 13 Jun 2019 Digital Editor

小朋友雖然人仔細細,但係已經有好多諗法、感受。佢哋嘅情緒智能(EQ)唔止受先天影響,後天嘅學習同培訓都好重要!而父母嘅角色就更加係舉足輕重,適當嘅教導對小朋友嘅情緒健康、人際關係同成就都有重大嘅幫助。

Mamidaily
Photo from Mamidaily

1. 父母注意自己嘅情緒健康
呢一點係最重要嘅!父母必須要了解自己嘅情緒先至可以慢慢教導仔女,所以有啲咩需要,情緒上有啲咩起伏都要搵另一半或其他可靠人士傾訴。

2. 留意孩子嘅情緒需要
喺學習階段嘅小朋友未必識語言、說話去表達自己嘅感受,父母需要仔細聆聽同觀察佢哋嘅行為,包括語氣、面部表情、姿勢,喺呢啲蛛絲馬迹中,搵出佢哋內心真實嘅想法。

Mamidaily
Photo from Mamidaily

3. 教導孩子觀察自己同其他人嘅情緒變化
父母可以同小朋友分享自己嘅感受,不論係負面定正面,從中分享同示範自己嘅處理方法。
另外,父母亦應教導孩子有關情緒嘅詞彙,方便佢哋辨識自己嘅情緒。

4. 多聆聽、少批評
父母應嘗試設身處地,以孩子嘅角度出發,更容易明白孩子嘅感受。同時亦應避免經常用負面嘅說話批評孩子,過急作出判斷同批評亦都唔係一個正確嘅做法。

Mamidaily
Photo from Mamidaily

廣告
廣告

5. 指導孩子解決問題
為孩子清楚界定咩係不適當行為,例如一啲傷害其他人或自己嘅行為,等佢哋明白以呢啲方式表達負面情緒係唔啱嘅。應該要引導孩子搵出引發情緒嘅原因,只要認清問題所在,先至可以有效咁解決件事。

6. 親子時間
每天最少用15分鐘同仔女玩遊戲或者傾下當日發生過嘅事,喺過程發掘生活中正面嘅嘢,好似係今日老師讚賞自己咁,培養樂觀嘅想法。

Mamidaily
Photo from Mamidaily

7. 肯定和讚賞
留意下佢哋嘅優點同長處,不時對孩子嘅表現加以讚賞,增強自信心。

8. 期望要切合實際
人人都有唔同嘅性格,要接受小朋友嘅個性同興趣,唔好逼佢哋做啲唔想做嘅事。同時亦唔好將目標定得太高,唔係反而會畀到壓力佢哋,造成反效果。

Mamidaily
Photo from Mamidaily

Text:Mami Editorial
Source:衛生處

Share to Facebook