研究：媽媽懷孕期間嘅態度 或對BB發展有影響

準爸媽喺懷孕期間，好多時都會忍唔住摸吓個肚，無聊嘅時候又會同肚入面嘅寶貝傾吓偈。劍橋大學近日有一項研究，指出母親喺懷孕期間愈積極同BB互動，對未來嘅學習同發展有幫助！

呢個研究以訪問及問卷調查方式進行，一共收集咗近2,000對父母嘅數據，分析父母喺懷孕期間對小朋友嘅諗法同埋出世後同BB之間嘅互動，對佢哋嘅發展有冇影響。

Photo from MamiDaily

結果顯示，母親喺懷孕期間對BB嘅態度同佢哋之後嘅互動次數有關。好似有啲準父母喺受訪嘅時候，已經對BB嘅降臨表現得非常期待，事事都積極準備，代表佢哋認為BB係一個有思想、有感受嘅獨立個體，BB出世後都會同佢有多啲互動。

Photo from MamiDaily

相反，有啲父母喺訪問時對BB嘅描述好簡單、唔完整，即係佢哋對BB嘅依戀程度可能低啲，咁樣會影響佢哋同BB互動嘅質量。而親子互動對孩子嘅發育同學習好重要，父母同BB之間嘅互動愈多，關係愈親密，對BB未來嘅發展都會愈有幫助。

Photo from MamiDaily

Text：Mami Editorial

Source：Developmental Review