外遊不幸患上腦膜炎 雙腿腐爛發紫發黑

好多爸媽可能會覺得，帶BB仔女出國可以有更多美好回憶，但係有時小朋友身體脆弱，對於四周環境嘅細菌仍然阻擋不及。澳洲有個7個月大BB就不幸喺旅遊中，患上腦膜炎雙球菌，導致雙腿腐爛發紫發黑，差啲要截肢保命。

據外媒報道，24歲媽媽Elisha 帶同囡囡Lilliana到泰國布吉外遊，到達後無幾耐，囡囡就出現發燒，媽媽隨即帶囡囡到當地醫院求醫，但經醫生配發退燒藥後，就被安排離院。但出院4小時後，Lilliana突然失去意識，更全身變成藍色。其後，媽媽再帶囡囡到醫院，當時醫生診斷囡囡患有腦膜炎球菌病，指出係一種危及生命嘅細菌性腦膜炎同敗血症。

Photo from The Sun

「醫生當時同我講，囡囡係腦膜炎球菌，會死。我完全唔敢相信，明明朝早一家人仲好開心度假，但下就就話佢會就快死！」媽媽憶述指，囡囡當時，嘴唇同指甲開始變藍，而且只可以跛跛下咁行，到最後係失去知覺。

Photo from The Sun

醫生指，避免進一步感染，所以需要先從Lilliana腳上移除死亡同垂死組織，最壞打算係截肢保命。當爸媽聽到依個消息簡直極度心痛，但只可以聽取醫生意見，惟求保命。院方亦建議，將Lilliana轉送設備較完善嘅曼谷醫院接受治療，經過2星期重症監護，情況大為好轉，算避過一劫。

Photo from The Sun

其後媽媽決定帶Lilliana返澳洲醫治，差唔多半年後，Lilliana經歷皮膚移植手術，類固醇注射同其他治療，逐步恢復腿部功能。媽媽指：「我以為再唔可以為囡囡慶祝生日，囡囡成功康復，我為佢感到驕傲！」

Photo from The Sun

腦膜炎球菌病係一種急性細菌感染，會引起血液中毒或大腦內層出現炎症，感染原因通常係因為接觸攜帶菌者。澳洲腦膜炎球菌主任Eliza Ault-Connell指：「感染至病發嘅時間可能只需要幾個鐘。可以喺早餐時睇嚟很好健康，晚餐時就會死。」症狀可能包括突然發燒，頭痛，頸部僵硬，關節疼痛，紅紫斑或瘀傷，而且會對明亮嘅燈光出現敏感，例如作嘔同嘔吐，而幼兒特定症狀可能較少，會出現煩躁，高音哭泣同拒絕進食。

Text：Mami Editorial

Sources：The Sun