【產前抑鬱好常見！】5個令孕婦放鬆心情方法

媽媽懷孕嘅時候，由於受到荷爾蒙嘅影響，情緒比較容易大起大落，甚至出現產前抑鬱嘅現象，如果唔及時處理，更有機會會導致早產、流產，影響胎兒發育等。懷孕期間盡量放鬆心情，唔單止對胎兒好，仲可以減低孕婦分娩時嘅痛楚，令分娩過程更加順利。今次就同大家分享幾個可以令孕婦放鬆心情嘅方法，大家不妨參考下。

1. 做運動

就算唔係懷孕，運動都係一種非常有效嘅減壓方法。好多人覺得「粗身大細」唔應該郁動太多，但其實適量嘅運動，反而可以幫助孕婦減壓，兼且控制體重。產前瑜伽、游水、散步呢類運動都好適合孕婦。

Photo from Shutterstock

2. 食嘢

開心又食，唔開心更加要食！孕婦可以多食一啲令人開心嘅食物，如：香蕉、薯仔、乾果、鮮類等。其中魚類可以選擇鯽魚，唔單止益氣健脾、利水消腫，仲有通乳嘅作用。有益又能夠減壓！

Photo from Shutterstock

3. 按摩

孕婦陀住BB，特別易攰。適量嘅按摩可以令孕婦放鬆，同埋消除疲勞，夜晚瞓覺都會瞓得好啲。

Photo from Shutterstock

4. 聽音樂

聽一啲平和或輕快嘅音樂，可以令孕婦緩解焦慮，平靜落嚟。自己能夠減壓之餘，仲可以順便同肚入面嘅BB進行胎教。

Photo from Shutterstock

5. 分享焦慮

好多媽媽喺陀BB嘅時候，都會好擔心肚入面嘅BB，特別係第一胎嘅新手媽媽。好多時都會「食唔安，瞓唔落」，孕婦可嘗試將擔憂同另一半、家人、朋友等分享，遇到健康上嘅問題就請教醫生嘅意見，避免一個人胡思亂想。

Photo from Shutterstock

Text：Mami Editorial