【每個小朋友都擁有自己發展時間 爸爸媽媽不用心急】

兩個星期前喺家長同學聚會中見到禧禧好多同學仔已經可以自己踩三輪車，有啲仲玩緊平衡車，但禧禧都係要爸爸媽媽推住架三輪車行前行後。

當時心裡面就開始諗到兩個問題，第一，原來呢個歲數既小朋友係有能力要自己踩郁架三輪車。第二，點解禧禧仲未識既？但我好快就打消左呢個咁唔理性既想法，然後再提醒自己每個小朋友都有自己既發展時間，有快有慢，又唔係要比賽，只要佢長大後做個好人就好了，無需要同其他小朋友比較。

前日我帶禧禧落街踩單車，佢突然間自己識踩，媽媽我好似發現新大陸咁，好興奮，不停咁重覆以下呢句說話”你好叻呀家姐，你識自己踩” 應該有十幾次，但當時既心情真係筆默難以形容。

明白做父母的一定會擔心仔女既成長過程，但真係要有耐性，要有信心相信佢地一定做到，只是時間問題。

禧禧同熙熙，你地要慢慢長大，唔急的，我同爸爸會繼續學習做好你地既父母，學識耐心等待和陪伴你們成長。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：禧。熙。之生活點滴
Photos：禧。熙。之生活點滴&Shutterstock

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！