【良好親子時間&話匣子 百厭BB都鍾意】

安安好鍾意跑動，攀爬。聽到音樂又鍾意自己隨意擺動身體（自創舞步）。唔係手手腳腳無時停，就係個咀巴不停bilibala。食飯鍾意不斷講說話，如果無人理佢就不斷自我陶醉唱兒歌。總之佢同個"靜"字扯唔上關係。

最近幫佢報左兒童畫班。剛剛完成了4堂的畫班，安安由當初的抗拒，到而家佢會主動問我，媽咪，我下次係咪都可以繼續畫? 畫班好玩!  （因為我上第一次畫班的堂後，跟安安說，如果上完了4堂課都不喜歡，媽媽不強迫你去上）

學畫畫最明顯就係佢對於前臂，手腕，手指力嘅運用更靈活，呢個對於升k2開始大量接觸寫字嘅功課打好基礎。透過畫線條，利用唔同顏料，觸感，物料去填色，無框架下俾小朋友發揮，估唔到安安都好enjoy...

每次佢上了畫班，都會很開心。和我也多了更多天馬行空嘅話題，我也覺得和安安溝通聊天更多空間。

例如，上星期安安畫了一個生日蛋糕，他在家又會再自己畫一個叫我欣賞。

安: 媽咪，你看住啦，我準備畫生日蛋糕送俾你。

我: 係呀? 好呀…不過媽咪未到生日wo...

安: 媽咪幾時生日呀?

（之後我地就傾左一輪生日的話題，再扯到去月份，順便教埋/重溫一下佢對月份嘅知識）

安: 媽咪，你睇下，有火呀，我畫好大火（生日蛋糕爉燭）...

我: 係wo.. 但點解你畫左五支爉燭嘅?

安: 因為媽咪大過我，媽咪5歲

我:媽咪如果遲d 50歲，咁安安咪要畫50支爉燭俾我?

（根住順便同佢溫下1-50數數字）

我: 安安愈黎愈大個，媽咪遲d會愈黎愈老啦，無力吹唔到爉燭啦…

（順便又講下人老左，會眼又蒙，耳又撞聾，腿腳唔靈活嘅必然變化。順便教佢要愛錫爺爺麻麻公公婆婆）

安: 我唔想媽咪老，我會幫你吹爉燭❤

兩母子如是者亂咁吹，車大炮咁亂up一大輪，畫咩就傾咩，一幅畫畫完，我就不知不覺同阿仔傾左成個鍾。

成日覺得唔知點樣同阿仔傾計，好多時傾兩句就唔知點接落去，又唔知點樣可以更自然咁打開話題。原來，利用一幅圖，任何同畫嘅內容都可以係話題，可以延伸，可以想像，可以重溫。

畫畫係一個手法，一個橋樑，一個媒介去帶出小朋友嘅諗法&內心一d渴望/恐懼，有時大人唔識同小朋友傾計，好多是hea答完佢地，嗯嗯呀呀就完左。因為我地唔識點樣走入小朋友嘅世界。其實只要肯花心機&時間，同佢地傾計可以無驅無束。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：安安迪迪的孖媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！