【BB分房小準備 用咗一個月分房瞓計劃大成功】

爸爸由米豬2歲0個日開始, 就成日都話不如分房瞓啦 (同米豬唔係同我呀~!!) 其實呢個問題由聖誕節我已經諗ga na, 不過媽媽有分離焦慮吖MA~ 咪拖得就拖囉~

之但係, 米豬大個仔, 張BB床已經唔夠佢瞓喇, 一轉側踢到床就醒, 我就晚晚醒幾次拍返佢瞓, 如果同我地一齊瞓, 佢又要H字咁瞓, 仲要加埋旋風腿, 連爸爸都冇覺好瞓, 所以分房瞓呢件事, 我地決定响農曆新年前執行~!

要氹佢留响自己間房, 首先要令佢鐘意間房~! 有咩方法? 投其所好囉~~~ 撞正樓下商場做床上用品promo, 帶佢去揀佢自己鐘意ge床單被舖~

眼利ge你, 應該已經見到McQueen攬枕對住鏡頭笑緊喇~ 冇錯~!!!! 係閃電王麥坤~! 係車車呀~~淨係床單被舖唔夠ge...... 我仲淘咗海量ge車車wall sticker!!!! firetruck, ambulance, dump truck, crane, mixer truck, 新幹線, 快艇, 潛艇咩都有啲~!!

剪到我傻..............

排吓位先~~~ 貼晒又好似太花

結果只係貼咗部份~~ 米豬表示非常滿意~~~

晚晚沖完涼要拎埋d公仔企响d車車前面影相, 今晚受寵幸ge係柴犬~

床邊再包晒軟墊, 以防米豬半夜起身或者有時自己响床玩到癲會撞傷~ super lucky竟然連防撞邊都比我搵到襯色ge~~

晚晚都同我講: 瞓McQueen床食奶奶,係咪day1就由得佢自己瞓? 梗係唔係啦~~~ 見唔見到第一張米豬坐响床ge相? 床邊仲有張黃阿瑪床單, 我响隔離張子床陪瞓咗3星期呀~!! 其實都OK ge因為我有分離焦慮吖ma~~ 痴多陣都好~~ 但到爸爸對我有分離焦慮 (呢家人真係好煩XDD) 爸爸就搵咗呢d可以較光暗ge燈, 走廊米豬房門口一盞, 我地房床尾就放咗另一盞月球小夜燈, 2盞都較到最暗

而媽媽我就淘多咗個監聽器, 放我床頭長開, 米豬有咩風吹草動我都可以立即過去睇佢~個晚臨瞓前我就同米豬講, 媽媽今晚返去同爸爸瞓喇, 你瞓醒要食奶奶就跟住燈燈行嚟搵媽媽知唔知? 好叻仔wo~ 佢話知道wo~

但事實當然冇咁順利啦~~~ 瞓到半夜2點幾米豬發現唔見咗我, 响度狂喊呀~!! 我就即刻彈咗過去佢房度安慰佢, 最後索性抱埋佢過大床一齊瞓 (同爸爸攬炒呀XDD)

第2晚, 我地特登熄晒全屋d燈, 教米豬行一次, 之後佢又自己行一次, 諗住今晚OK啦~ 點知又係2點幾 ------ 媽媽~!!!!!!!!!!!!!!!!!!!!!!!!!!!!!! 小人又被召喚了....... 我又過去, 又抱咗米豬過大床一齊瞓.....如是者過咗3晚, 爸爸到第4晚聽到米豬叫媽媽, 就自己落咗床, 帶米豬行過嚟我地床
到第5晚, 米豬冇再叫媽媽, 自己自動波咁行咗過嚟仲擒埋上床
之後, 佢就多數一覺瞓到6-7點, 夠鐘食早奶就自己行過嚟, 用咗一個月~~ 分房瞓計劃大成功~~~ v^0^v

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：米豬媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！