研究證實 兒童肥胖與抑鬱症關係密切

今次大件事啦！係人都知情緒問題真係可以嚴重影響健康！估唔到人細細個開始就已經被肥胖影響，仲要延伸到心理健康問題。

英國利物浦大學嘅研究人員發現肥胖與心理健康密切相關，尤其喺童年時期逐漸增加。呢項研究喺《美國醫學會雜誌—精神病學》（JAMA Psychiatry）上發表，研究人員分析咗超過1萬7千個喺2000年至2002年出世嘅兒童，發現肥胖與抑鬱症關係密切！然而，女生嘅BMI通常比較高，情緒問題亦比男童更多。

Photo from Shutterstock

研究透過分析小朋友嘅身高同體重得出嘅體重指數（BMI），以及由父母提供嘅情緒問題報告，了解佢哋分別喺3歲、5歲、7歲、11歲同14歲嘅情況，從而發現從7歲開始肥胖嘅小朋友，與情緒問題密切相關，而呢個結果喺較年幼嘅孩子身上並唔明顯。

Photo from Shutterstock

喺7歲開始肥嘅小朋友，去到11歲嘅時候，有更大機會患上情緒病，例如焦慮症同抑鬱症等。雖然呢個研究冇仔細搵出肥胖影響情緒嘅原因，不過研究團隊認為貧窮可能係其中一個因素。

Photo from Shutterstock

而呢這項研究結果將會喺格拉斯哥舉行嘅歐洲肥胖症大會（ECO）上發表，團隊期望可以預防兒童肥胖同埋情緒嘅問題。

Text：Editorial
Source：BBC