【大肚都要靚住去見人！媽媽植眼睫毛】

我一直都覺得世上無羞女人，只有懶女人! 作為空姐嘅我當然非常貪靚，平時每個月都做facial，整gel甲，出街當然set晒頭同化行個妝，係屋企就晚晩full mask!!! 但有左BB之後真係身不由己，成日覺得好攰，每朝起身返工都盡量想瞓到last minute 先起身，所以真係無心情化妝同整頭。

依家去到懷孕後期, 我決定要搵返自己, 唔可以繼續懶落去, 要做一個靚媽! 所以上星期我就去左植眼睫毛, 等對眼精靈d, 就算素顏都望落精神好多!

作為一個貪靚嘅孕婦但我都一直堅持安全第一, 要確保植眼睫毛嘅過程同用嘅產品唔會有化學物質傷害BB。Fabulash 係一間主打日式自然空氣感植眼睫毛嘅店鋪, 一接一睫毛只植係1.5-2mm之間, 保持真睫毛嘅健康. 而且佢地係用日本低敏膠水, 唔傷眼皮, 孕婦絕對安全!

由於今次係我第一次做, 所以揀左最basic嘅single layer 空氣感睫毛。首先治療師會比d 假睫毛sample我睇, 可以根據自己嘅喜好選擇長度, 捲度及粗幼度, 揀好就可以開始植啦! 過程大約一個鐘就完成, 由於係空氣睫毛所以真係好輕, 雙眼完全無覺得唔舒服, 而且仲即時精靈晒!

植一次睫毛大約可以維持一至兩個月, 之後生完BB係醫院或者坐月期間有親戚朋友黎都唔洗驚比人見到對sleepy eyes 啦!

Fabulash: https://www.facebook.com/fabulash.hongkong/

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：混血小B媽媽Bonnie.K

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！