【生寶寶回憶錄 痛足8個鐘都話要再生】

【生寶寶回憶錄 痛足8個鐘都話要再生】

爸媽分享 孕媽Daily
By海豹媽媽 on 14 Apr 2019

果陣陀住海豹寶寶差唔多40週,我每日都問佢幾時出黎,但係佢都係無乜反應,醫生都有教我要行多D⋯⋯

我已經日日係到行樓梯,又試過深蹲,但都係冇咩反應,臨生前一兩日都有少少好似陣痛既感覺,但痛一陣又冇FEEL喇,呢d應該係叫「假陣痛」。

直至到40週前一晚既10點幾開始,我終於都感覺到有規律既陣痛喇,一開始既時候係每10分鐘痛一次,咁我就話俾老公知開始有d痛,我老公唔理三七二十一就話即刻入醫院,但其寶我果陣想係屋企訓下,等第二朝先去(因為去到醫院我一定訓唔到),當然我老公係唔俾我咁做,即刻就換衫拎埋個走佬袋去醫院喇!

shutterstock_1153003499

去到浸會醫院,登記完就開始做個小小既檢查,姑娘用手指伸落去check開左幾多度,點知原來我先開左1度咁大把,之後佢再塞左屙便便既藥,呢隻藥真係好勁,唔洗5分鐘就即刻要上廁所~搞掂哂所有入院手續我老公就要離開醫院喇!

果陣真係眼濕濕,因為開始識驚但老公又唔可以陪我(因為男人係唔可以係女病房過夜),我心諗,悠長既一晚正式開始喇..悠長夜晚正式開始..我都係到諗緊今晚我要挨幾耐先可以生到呢?

醫生好早就同我老公講話我有排都未生得,叫我老公預我第二日夜晚先生,我果陣都打左個突"唔係呀嗎.."仲有成廿幾個鐘先到第二日夜晚,喺我心諗果陣醫生又返黎搵我喇!佢話塞藥催生縮短個時間,我梗係舉腳贊成啦~

不過醫生無同我講原來催生係痛d,塞左藥之後係6個鐘內唔可以落床,我果陣已經開始覺得好痛,個姑娘keep住10-20分鐘問我有幾痛,1-10係痛既指數,我已經話我覺得3-4咁痛,個姑娘仲笑我唔挨得痛,無耐我就問姑娘有無止痛package揀~

佢就俾左成份file我睇喇

1)聞「笑」氣

2)打止痛針

3)無痛分挽

我第一時間就揀左第一先,因為成晚流流長,可以慢慢試,原來聞「笑」氣係要入產房,入產房係可以老公陪同,早知就唔叫老公返屋企,人生第一次聞「笑」氣,原來一聞就會好wing,好似暈船浪咁,但真係會少少減輕痛楚既,我仲記得果陣我突登拎定條手巾係身,一痛就咬住條手巾(結果d姑娘以為條手巾好有意義)

廣告
廣告

其實聞到咁上下d「笑」氣已經無乜作用,果種痛既感覺就係m痛既10倍,果陣我就keep,whatsapp我老公,Update自己有幾痛,其實已經半夜,又痛又眼瞓。

shutterstock_1200484864

浸會產房有樣好,姑娘仲會播下音樂俾我聽,但佢地每次行過黎就會搵隻手探下我開左幾多度,我真係頂唔順,去到5、6點果陣,我又問姑娘揀第二個選擇,打左一枝止痛針,打完就可以10分鐘瞓一陣咁,去到7點幾個醫生返左黎,同我講我開左7、8度生得喇!仲幫我人工穿左羊水,我心諗WTH?!你之前唔話夜晚先生得嫁咩?

我當下已經痛到無乜意識仲要whatsapp我老公拿拿聲返黎醫院,同佢講我生得喇,佢嚇到彈起身即call的士黎醫院!最衰果陣仲要係rush hour..又塞車又盛,我心諗我老公可能趕唔切黎睇我生~

當我差唔多進入生產過程果陣,我依稀聽到我老公趕到,(我果陣聞「笑」氣聞到迷迷糊糊),本身我個人係瞓喺到,到生果陣係坐左喺到,好似伐艇咁,果陣我老公黎到扶住我,我差d連佢隻手都屈斷,係個醫生同姑娘係咁大叫叫我停!

shutterstock_429753292

我都係靠意識放手,進入生產過程,醫生叫我用口呼氣吸氣,用大便度力屙bb出黎,之後又要我吹蠟燭咁樣呼吸,做做又同我講要停,佢話Bb好攰抖下先,我心諗姐都未嗌攰,Bb咁快攰既?

最後用左唔洗半個鐘海豹寶寶就正式出世,出世8磅,順產成功,個姑娘好快就問左我一個問,「你仲會唔會生第二個呀?」,我唔個知係d「笑」氣未過定點,我第一時間答「會!」,如果我唔咁答,我老公以後會有藉口唔同我再生~

總結:我成件事係用左7-8個鐘去生海豹bb

==============================

Text:海豹媽媽
Photos:Shutterstock

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook