【健康院歲半檢查check咩嘢？】

不知不覺茯柃已經歲半，又到左返健康院打針同檢查嘅時間。去到健康院首先登記拎飛仔(記得帶針卡手冊），然後等叫名磅重。

今次磅重唔洗除曬衫，可以著住件底衫，照換返乾淨片片企係到磅就可以

之前一路都係訓/坐係到磅，媽媽感慨真係大個囡喇

磅完等左個幾鐘終於入房見姑娘，一坐底姑娘拎左張白紙放係茯柃面前，用筆畫左兩下，就將支筆比左茯柃自己畫喇，然後開始問我問題：

1.每日食幾多餐奶粉/人奶/固體？

2.食咩野多？粥粉麵飯？爛飯定大人飯？

3.有無食菜？雞蛋？肉類？水果？整爛曬比佢食定點？

4.跟住姑娘會指隻碗，問佢大概食量幾多？

5.戒左奶樽未？識唔識用水杯？識唔識自己用匙羹食飯？

6.行路行得穩唔穩？瘩低執野起唔起到身？

7.自己可以唔洗人提既情況下講到幾多字？

8.可唔可以正確指返眼耳口鼻/其他身體部位？

9.開始刷牙未？用咩刷？

10.平時玩開咩玩具？有無玩煮飯仔？點樣玩？

11.覺得佢聽力同視力有無咩問題？

最後姑娘話茯柃發展得好好，可以返去練習下戒奶樽同片片！

如無意外就4歲再見！臨走比左幾本書仔媽媽返去睇

今日打既歲半針係4合1加強劑，打完禁住傷口坐一陣就可以去拎藥走人

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：茯柃媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！