面子算甚麼？為咗小朋友爸媽咩都可以豁出去 爸媽唔怕丟臉去做3件事

帶BB出街，BB好多時都會出現好多難以預料嘅舉動，有時會令爸媽感到好可愛，但有時亦會感到好頭痛！為咗氹或安撫BB，爸爸媽媽都習慣放下面子，喺公眾場合做一啲自己都感到尷尬啲事。

1. 用娃娃音講BB話

喺屋企同BB講得多，出到街都會習慣用高八度聲線同BB用疊字溝通，大講BB話，有時望到旁人奇怪嘅目光，先醒起自己打聲係有啲難頂，不過BB大過天，同BB溝通得開心最緊要，都會繼續用呢種聲調語氣講落去，習慣就好了～

Photo from Pinterest

2. 公眾場合餵奶

BB想飲奶起上黎，真係等多一秒都唔得，媽媽想餵BB飲母乳又唔會時刻都有一間哺乳室喺附近，唯有用哺乳巾遮一遮，搵過偏僻啲嘅角落餵BB飲奶，不過有時都會遇到八卦嘅途人去望，就算冇走光都會感到好唔自在，但餵飽孩子最緊要，所以都一於豁出去繼續餵。

Photo from Pinterest

3. 當眾教導扭計哭喊孩子

當BB開始長大會有自己嘅意識，當見到吸引新奇嘅事物都會好想行埋去睇下、玩下、甚至拎喺手唔願走，尤其喺店鋪內，每當爸媽想拉走BB，BB好多時都會哭喊扭計唔肯走，令爸媽不得已喺眾目睽睽下強行將BB抱走處理／同似懂非懂嘅BB講道理。

Photo from Pinterest

Text：Mami Editorial

Photo Source：Pinterest