美國心臟協會：兒童每天不應攝入超過25克添加糖

唔好話小朋友，大人都好鍾意食甜嘢！不過吸收過多糖份，絕對會影響健康。

早前，美國兒科學會（AAP）和美國心臟協會（AHA）共同發表聲明，表示已經批准咗一系列公共衛生措施，包括建議美國政府增加含糖飲料嘅稅款、限制以兒童為對象嘅推廣及營銷、鼓勵購買更健康飲料嘅政策等，以減低孩子對含糖飲料嘅消費意慾。

Photo from Shuttlestock

美國兒科醫生Natalie D. Muth相信：「對於兒童來說，添加糖嘅最主要來源往往唔係來自食物，而係飲品。」佢指出，美國嘅小朋友，每年平均吸收超過30加侖嘅含糖飲料，即係超過113公升，足足成個浴缸咁多，非常誇張。作為兒科醫生嘅佢，對孩子吸收過多糖份，表示極為擔憂。呢個現象唔止會引起蛀牙、肥胖，更會造成糖尿病、心臟病等嘅風險。

Photo from Shuttlestock

其實美國心臟協會早於2016年作出呼籲，2歲以下嘅小朋友應避免食用任何有添加糖成份嘅食物。同時亦建議2歲以上的兒童每天不應攝入超過6茶匙（25克）的添加糖、每週不應飲用超過一杯8盎司（228克）的含糖飲料。

Text：Mami Editorial
Source：美國兒科學會&美國兒科學會