熱愛演戲50年 《愛回家》多突破演出 75歲劉丹最享受湊孫女小糯米

熱愛演戲50年 《愛回家》多突破演出 75歲劉丹最享受湊孫女小糯米

Byrachel.lo on 27 Mar 2019

《愛回家》自播出以黎,憑著緊貼時事熱話、搞笑劇情、各演員有個性嘅破格演出,逐漸成為大部分港人回家必定追睇嘅大台節目,收視長居不下。加上編劇善用劇中每個小人物嘅性格設定去俾實力派演員盡情發揮,令一班寂寂無名、常常被人遺忘真名嘅甘草都終於有出頭之日。喺琴晚播出嘅《愛回家》中,講述劇中四位加埋成二百幾歲嘅根叔、豹叔、大龍生、譚道德,因偶然機會入選電視台唱Rap比賽,更要即場以IG為題作詞表演,聽到又Rap又IG等被視為年輕人嘅玩意,觀眾們都非常有興趣追睇四人會點樣拆解,結局出乎眾人意料嘅精彩,更令人非常佩服四位甘草演員願意落足心機去做好呢場戲!

Screen Shot 2019-03-27 at 11.37.21 AM

當中飾演成套劇中嘅核心人物「熊樹根」嘅劉丹,最為人熟悉嘅莫過於過去最長壽處境劇《真情》中嘅「叉燒炳」、兒子劉愷威同內地當紅女星楊冪嘅破滅婚姻。

Screen Shot 2019-03-27 at 11.38.10 AM

即使已演戲50年,丹爺仍有一顆熱誠嘅心,曾揚言希望如今有份演出嘅《愛回家》集數可以破到當年《真情》嘅紀錄,成為另一個經典。一把年紀仍有呢個雄心壯志,實屬難得!而喺劇集中,無數出奇不意嘅情節都挑戰住甘草演員嘅極限,如今次唱Rap之作,更睇得出丹爺都有落足苦功,只希望向觀眾們呈現出最好嘅效果,劇集播出後引起觀眾熱烈討論同一致讚賞,非常成功!

Screen Shot 2019-03-27 at 11.38.54 AM

對於兒子劉愷威同楊冪嘅婚姻關係轉變,開通嘅丹爺曾表示尊重兩人嘅決定,不過由於孫女小糯米嘅父母喺國內工作繁忙,所以小糯米自出生以來,都係留喺香港由爺爺嫲嫲主力撫養。一如大部分老人家,有孫萬事足,只要傾起孫女,丹爺都會笑到四萬咁口,話孫女古靈精怪,明顯孫女氹得丹爺非常開心!

廣告
廣告

e708239bc07ca96d93e58d161e82410a

愛錫孫女嘅丹爺更非常為孫女著想,為想令孫女入讀心儀嘅學校,同希望孫女有自己嘅房間,曾舉家大搬屋。

不過活喺大銀幕下嘅丹爺並唔能夠好似普通老人家咁,可以隨時隨地帶孫女落街玩,因怕被人認出而令孫女受到不必要打擾,所以貼心嘅丹爺好多時都係請太太帶小糯米去街、去公園玩同返學,而自己就多數喺屋苑範圍內同孫女玩。

雖然父母鮮少喺香港陪伴自己,但非常慶幸小糯米擁有愛錫自己嘅爺爺嫲嫲時刻陪住自己呢!家有一老真係如有一寶啊!

Text:Mami Editorial

Photo Sources:TVB, Pinterest

Share to Facebook