【胎位不正唔想開刀 ECV 體外頭位轉移術聽過未?】

【胎位不正唔想開刀 ECV 體外頭位轉移術聽過未?】

爸媽分享 孕媽Daily
ByID MAon22 Mar 2019

ID MA陀緊Donut妹妹,33周啦~!試過上胎阿仔點都唔調頭,今胎都好有陰影!!

心諗個個BB係肚入面都識自動波調頭,點解我大仔到37周都仲係臀位呢(即係依然頭向上)?

好彩,暫時Donut都係正常胎位,剩番幾星期,希望唔好又曳曳豬啦!

上圖為正常及胎位不正,都會影響能否順產

話說上胎26周時,私家醫生話BB已經調左頭,但到31周又調番上去,ID MA真係比阿仔吹到啤一聲。

係等待既日子,唯有不停爬文,睇下有咩計仔,例如:咩姿勢幫到BB自己華麗轉身呢?

試過胸膝卧位,我仲誇張到試過下身係床,上身係地,哈哈,可惜都係無用=__=

胸膝臥位-可幫助矯正胎位
可惜,到36周都仲係咁款,而我實在太想順產又太怕開刀,同先生商量之後,決定同意醫院幫我做"體外頭位轉移術",簡稱"ECV"。

成功率話有7成,風險亦一定有,例如:期間BB 心跳慢左、臍帶纏頸等等,不過諗住大不了咪開刀,至少盡力過......

於是,37周:9:30AM 空肚到逹東區醫院。

量血壓、體重、驗尿。換衫一直等。期間接駁心跳機觀察BB心跳,打左支鹽水針。再等。

等等等至3:00PM(終於到我啦!)。先安排照超聲波,然後打一針令子宮放鬆既針。

藥力沒一分鐘就黎了,變得心跳加速(醫生事先有講明),接著醫生開始"乾坤大挪移"。

試左兩次,第二次先成功。其實過程不過係五分鐘,的確是有少少痛,但可以接受。重點係成功左!YEAH~!!

之後觀察多一個鐘BB心跳,然後再照一次超聲波,確保一切正常先比你出院!

之後就等作動啦,不過太好食好住,40周都無料到。

因有妊娠糖尿,無得逾期居留,要入院催生(*可以留意ID MA之後再分享妊娠糖尿既文章)

結果大仔係夜晚11點穿水,一路陣痛到第二朝9點出世~重點係.....順產目標逹成~!!有驚無險!

6個月大,肥肥白白呢~!
總結,決定要做"ECV"前,要同屋企人商量好,得到佢地支持好重要,始終有一定風險。

第二,要睇媽媽自己對於順產既決心有幾大?如果覺得開刀亦無相干,就順其自然啦~!

==============================

Text & Photos:ID MA

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook