唔好再話媽媽得閒喇！幾張圖話你聽媽媽每一刻都要備戰中

媽媽每日都好期待小朋友可以靜靜地，或者乖乖地瞓覺，咁媽媽就可以有時間做其他嘢！但原來小朋友靜靜地係一個不詳警號！

有台灣媽媽分享咗幾張小朋友闖禍照片，指自己其實只係去咗洗碗5分鐘，喺廚房都聽唔到小朋友吵鬧聲，點知一出嚟就見到災難性嘅一刻，就係2位小朋友拎晒所有餅、薯片出嚟，跟住倒到成地都係，仲！未！完！佢哋仲要用腳踩，踩到成地都係碎！

媽媽分享完依幾張相後，就想同其他人講，「媽媽到底有幾辛苦？依幾張圖就話到畀比你聽媽媽真係一刻都唔會得閒！」

其後，有唔少媽媽分享自己都遇過類似嘅慘劇，指小朋友安靜真係「不詳之兆，安靜背後，案情從不單純」更帖上小朋友「靜音犯案證據」話：「突然嘅安靜就係作惡多端嘅開始⋯⋯沖涼安靜＝你大獲了！」

有媽媽指，相信當時見到會好想處理一下個小朋友，但提醒大家「要忍住呀！唔好抓狂同崩潰，提自己係自己生嘅，深呼吸⋯⋯」處理個「案發現場」就好了！

Text：Mami Editorial

Sources：爆料公社