【親子旅行？媽媽分享5個帶孩子乘飛機的小貼士】

By 美豬媽 on 18 Mar 2019

大家好!我係Ms. Ringo美豬媽，從事小學教育6年，見證學生成長！宜家生左布甸仔，成為左full time mum，希望可以陪伴佢，記錄佢蛻變的每一日! 作為一個新手媽媽，經常都面對不同的新挑戰，真係同返工好唔同，相信好多FTM 都有共嗚。閒時會睇下食譜同埋D煮食channel ，希望煮D 適合布甸仔食既野~願望係可以做到親子共食！不但節省時間，仲節省好多開支~咁就可以花係扮靚、玩樂同旅行到喇XDDD

每次係媽媽谷一講到帶BB去旅行，好多媽媽就有好多問題！

「我／我先生屋企係外國，想帶BB返去俾屋企人睇呀！」

「我想趁有產假，帶埋BB去一次旅行先返工！」

「BB幾歲可以上飛機？」

「BB搭飛機要俾幾多錢？」

「架bb車點算，寄倉定hand carry？計唔計落行李？」

「點樣幫佢沖奶呀？」

國泰港龍／香港航空同埋其他大部分航空公司都列明只要BB身體健康，7日大就可以上飛機㗎喇！不過留意番HK Express 就冇講明喇～

️2）咁BB機票幾多錢㗎？

喺成個旅程期間7日至24個月大嘅BB都可以買嬰兒票！嬰兒票都係按成人票價嘅機票計算折扣，大概10%！而每個成人只可以購買一張嬰兒票，而且不佔座位。以國泰港龍／阿聯酋航空等為例，如果你購買嬰兒票大多數佢會安排你坐喺最前嘅位置，可以放嬰兒搖籃，等你有平刻空閒(如果寶寶唔搞事的話)！

但係香港航空就要留意啦！佢有某啲機種嘅商務機艙，係唔會提供嬰兒搖籃，相反所有香港航空嘅經濟機艙就有提供嬰兒搖籃。

而HKExpress 就更加要留意，佢係點都唔會有嬰兒搖籃提供，係要坐喺你大髀㗎！

就至於過咗24個月，就要買返兒童票喇！兒童票一般嚟講就係成人票價約75%，係擁有獨立座位同飛機餐！

3️）到底架BB車係寄倉定hand carry?️

視乎BB車大小，例如yoyo當然可以拎埋上機～我用好大架既P3，所以一定要寄倉！去到check in counter 同地勤小姐大聲講：我要寄倉！咁佢就會幫你掛個牌，你可以拎住架BB車入禁區，施施然咁行Duty Free，去到登機閘口就交低架車畀啲空少！落機就可以喺落機位置／行李輸送帶到拎返啦（Emirate同香港航空都係行李輸送帶，國泰航空就落機位置）