【用電流減痛都只開1度 媽媽分享畢生難忘生產過程】

【用電流減痛都只開1度 媽媽分享畢生難忘生產過程】

懷孕 爸媽分享
By 温柔媽 on 16 Mar 2019

雖然溫柔已經半歲,現在轉了全職媽媽才有些少時間紀錄一下畢生難忘的生產歷程。

溫柔的預產期是2018年9月8日

9月3日早上去洗手間,發現有少少血絲,應該係見紅了,聽朋友講見紅唔洗咁急入院,沖埋涼食個早餐先,拎埋走佬袋就搭的士入院啦,咁岩撞正開學日同返工時間,仲要落大雨,塞車。

去到產房俾姑娘檢查完話要入院,去左婦產科病房等,間唔中都有假陣痛,但之後又無,第一次生,都唔知點先係真,姑娘話每隔5分鐘痛一次先叫佢。

住左3日醫院都無咩動靜,都係keep住見紅,假陣痛,醫生話第四日都唔出黎就再打催生,仲伸手入去幫我撩鬆宮頸,嘩!感覺好恐怖,好痛!

之後出多左血,醫生話正常,唔想住咁多日醫院,我寧願快啲打催生。

shutterstock_674971603

到了要打催生前一晚,12點開始有規律咁陣痛,我驚又係假,開住個Apps計時,keep住3-5分鐘痛一次,每次痛45秒以上,痛左一個鐘我先敢叫姑娘,但唔知姑娘係咪又覺得我係流,定好忙,我叫左佢3次先肯黎睇我,開始越黎越痛,啲血又多左好多,好想開大感覺,去廁所又痾唔到,一路望住個鐘一路痛,只係得幾秒鐘抖一抖又陣痛,越黎越密,條腰好痛好痛!痛到好似就黎斷咁,又係咁想痾野出黎,姑娘俾電流我減輕痛楚都無用,幫我check開得一度,仲未落得產房,我痛到大叫,仲feel到有野噴出黎,唔知係咪穿羊水,又好想痾野出黎,總之就勁痛!姑娘叫我打電話俾老公,之後就推我落產房,仲要自己過床,唔痛果下就行過去,仲俾人鬧唔好係度痾!大佬!我控制唔到架喎!

廣告
廣告

落到產房都未開夠度數,成班助產士叫我唔好用力,一陣爆左仲難搞,俾笑氣我聞,但唔識聞囉,吸大啖啲想嘔,個人又high high 地,同埋真係控制唔到想痾果種感覺,之後成班助產士出晒去,得返我一個係度嗌......

15527261469439903127af-b4d4-40c6-9725-1fef6c217701

有人入返黎話已經開到8度,叫我老公入黎,見到頭仔,話開始教我生啦,用盡全身畢生所有力!痾左幾下,BB終於出黎啦!有啲感動,想喊,但我太攰啦,成晚無訓,痛左差唔多7個鐘,好想休克,但未完,生到爆左,要縫針,好彩助產士手勢好好,又教我聞住笑氣,唔係好痛。

BB趴係我心口做肌膚之親,一出世就識搵食,已經啜到我乳頭損左。BB係預產期前2日出世,等媽咪唔洗捱一針打催生,痛左6個幾鐘就出黎。

以為入左院就好快生得,點知住左3日先出黎,仲要係孤身作戰,以為老公會陪住一齊痛,點知臨生得先入得黎,我半個鐘唔洗已經生左。

生仔感覺真係來回地獄又折返人間,果種痛聽人講係想像唔到,真係親身經歷過先知係咩一回事。

==============================

Text:温柔媽
Photos: 温柔媽 & Shutterstock

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道

Share to Facebook
Our Videos
官方影片
You may also like
你可能也喜歡
【親子好去處】大恐龍現身綠綠草地~喺草地望住恐龍野餐零舍有feel!
爸媽分享
3 days ago
【親子好去處】大恐龍現身綠綠草地~喺草地望住恐龍野餐零舍有feel!
【生產之痛】女生打算生產時用「無痛分娩」 男友爸一句話激嬲全部媽媽
mami熱話
4 days ago
【生產之痛】女生打算生產時用「無痛分娩」 男友爸一句話激嬲全部媽媽
【生仔極痛】屁股大唔代表好生得 「格局好」才是王道 分析4骨盆型態 有情況痛到癲都未生到
懷孕
9 days ago
【生仔極痛】屁股大唔代表好生得 「格局好」才是王道 分析4骨盆型態 有情況痛到癲都未生到
【母親心聲】準媽媽生日禮物全是嬰兒用品 心情沮喪慘遭數落 難過呻「無人在意我」
懷孕
16 days ago
【母親心聲】準媽媽生日禮物全是嬰兒用品 心情沮喪慘遭數落 難過呻「無人在意我」
【親子教養】疫情下孩子不願意觸摸新事物? 對音樂未感興趣但要學樂器?
爸媽分享
21 days ago
【親子教養】疫情下孩子不願意觸摸新事物? 對音樂未感興趣但要學樂器?
【莫名分娩】22歲空姐胃痛衝入廁所大解突傳巨響 低頭一看有2隻小腳從馬桶伸出
mami熱話
a month ago
【莫名分娩】22歲空姐胃痛衝入廁所大解突傳巨響 低頭一看有2隻小腳從馬桶伸出
Hottest Articles
最熱文章
【家居噪音】星期日朝早鄰居敲門 叫女兒唔好咁嘈 阿媽抱怨:她只有三歲要求是否太過份?
mami熱話
2 days ago
【家居噪音】星期日朝早鄰居敲門 叫女兒唔好咁嘈 阿媽抱怨:她只有三歲要求是否太過份?
【手忙腳亂】新手爸湊B搭高鐵後發現寶寶失去知覺 嚇到坐地痛哭途人無眼睇出手幫忙
mami熱話
a day ago
【手忙腳亂】新手爸湊B搭高鐵後發現寶寶失去知覺 嚇到坐地痛哭途人無眼睇出手幫忙
【驚人秘密】婚禮前發現未婚夫偷偷食藥 上網一問查出真相準新娘驚慌退婚
家庭關係
3 days ago
【驚人秘密】婚禮前發現未婚夫偷偷食藥 上網一問查出真相準新娘驚慌退婚
【爸爸帶孩】人妻回家見大食懶老公勤力清潔家居 覺事有蹺蹊查閉路電視揭崩潰真相
mami熱話
17 hours ago
【爸爸帶孩】人妻回家見大食懶老公勤力清潔家居 覺事有蹺蹊查閉路電視揭崩潰真相
【婆媳糾紛】奶奶指責媳婦食自助餐無幫丈夫剝蝦       媳婦一句話反駁令奶奶啞口無言
mami熱話
2 days ago
【婆媳糾紛】奶奶指責媳婦食自助餐無幫丈夫剝蝦 媳婦一句話反駁令奶奶啞口無言
【出生秘密】華裔夫婦產下混血兒      丈夫暴怒懷疑妻出軌      要求進行親子鑑定竟揭露出生秘密
mami熱話
17 hours ago
【出生秘密】華裔夫婦產下混血兒 丈夫暴怒懷疑妻出軌 要求進行親子鑑定竟揭露出生秘密