3分之2嘅年輕媽媽出現精神病病癥 原來係媽媽心理未滿足

有人會話有仔要湊嫰生，但係唔係身體準備好就得？有英國研究指出，原來多達3分之2嘅年輕媽媽出現精神病病癥。

倫敦國王學院研究發現，16至24歲比25歲或以上嘅媽媽更易出現產後抑鬱，佔受訪者67%。調查發現，大部分年輕女士做媽媽後，發現自己有好多未完成嘅心願，心理健康需求未被滿足，但又要照顧小朋友，不懂從兩者取得平衡，繼以出現自責、焦慮及暴燥等情緒問題。

研究者指出，是次研究結果係對媽媽精神問題響咗警號，希望社會更加留意產婦嘅精神狀況，並需要提供更多支援同正能量。

有精神病學院院長指出，近年來多咗媽媽求醫，大多數係指自己精神壓力過大，以致影響照顧BB，情況嚴重程度係令到媽媽出現自殘。

懷孕係一個奇妙旅程，同時代表孕媽媽要面對身心一大變化，可能有人會覺得，自古以來女人懷孕做媽媽都係咁樣過，但社會不斷演變，再加上資訊發達，新一代媽媽究竟要面對什麼壓力，每一個都唔同，但無可否認的是，媽媽身體上嘅變化係確確實實會影響心理健康，大家都要互相支持，自己若發現不妥時亦要揾人協助！

Text：Mami Editorial

Sources：THE INDEPENDENT