媽媽失去專屬服務 為由等爸爸回心轉意

生小朋友後媽媽嘅生活一定會有改變；再細心啲分，生仔定生女嘅生活都會好唔同！如果係女，媽媽就會發現原先嘅專屬事情開始畀囡囡拎去⋯⋯

有台灣媽媽分享咗4年內老公照顧囡囡嘅相，發現囡囡由1歲開始，老公就開始為囡囡準備食物，到囡囡2歲開始大個可以一齊食後，老公就要幫囡囡切定所有食物，到3歲，囡囡就可以使喚爸爸，到4歲就可以催爸爸，但爸爸半點埋怨都冇，仲默默做，但媽媽就留言話：「4年內對囡囡不變，但我就⋯⋯我嘅桌邊服務無咗喇！」

帖文發佈後，唔少網民都留言話「依啲就係囡囡先有嘅福利」、「正宮與小三嘅差別」、「5歲大概會話畀你聽你邊到做錯要你改」同「有咗小三，就無正宮嘅位子！」

見到爸爸咁錫囡囡其實唔應該呷醋，但係當發現原先自己嘅福利無咗，真係會傷心⋯⋯⋯⋯有唔少網民都安慰依位媽媽「好快爸爸就會返嚟你身邊，因為佢嘅前世情人會揾第個⋯⋯」做媽媽後，你哋又有冇咩福利唔見咗？

好多人都會話囡囡係爸爸嘅前世情人，究竟係真係有此事，定爸爸自己一廂情願？

Text：Mami Editorial

Sources：爆怨公社