【懷孕每一階段都要多謝老公-懷孕7-10月篇】

【懷孕每一階段都要多謝老公-懷孕7-10月篇】

Bloggers 專欄孕媽專區媽媽心事
By Doris on 28 Feb 2019

懷孕既後期,大家都好忙碌咁準備BB既用品同媽媽既走佬袋。準備既過程中,準媽媽有時會覺得力不從心,準爸爸係呢個階段都會覺得身份有所改變,以準爸爸呢一個改變我相信各位準媽媽都會好享受同埋有感動既時刻。

喺最後呢3個月,各位準媽媽既肚仔都大左好多好多啦,行動都一日比一日唔方便。除左唔方便之外,仲有好多身體上既不適。因為我個肚比同期既媽媽大,所以我好多動作有時做起上黎真係好吃力,例如:著鞋著襪;剪腳甲⋯⋯呢一個時段,準爸爸就要幫手啦!除左呢d之外,仲有令到準媽媽同準爸爸冇教好瞓就係抽筋。

1.搖身一變變成個按摩師傅

有一次令我好印象深刻(雖然我唔係抽得好密,但每一次都係好’金’!)有一晚,我突然啪我老公(佢訓得好淋好淋),我啪左佢好幾下佢先應一應我,我一面痛苦咁叫抽筋呀抽筋呀!佢就一路一訓一路就好似應酬我幫我求其按左兩下,但因為真係抽得好金,所以佢個兩下真係一d幫助都冇。佢眼見我仲係好痛苦,佢即刻成個彈起身,坐定定好用心咁幫我按,我諗佢大約按左5-10分鐘啦。個一刻我見到佢咁認真幫我按,又捱住眼訓咁,個陣我都幾感動。其實懷孕期間唔係單單準媽媽冇覺好訓,準爸爸都要成日係睡夢中醒過來,仲要搖身一變變成個按摩師傅。

2.變成superman 唔洗你拎嘢

除左呢d之外,準媽媽既日常生活都改變左好多好多。例如我地行路會慢左好多啦,唔好話要拎重野行呀,有時自己咩住個手袋都已經覺得好重。但我偏偏就係呢個時間先開始準備bb既用品(因為之前一直都好懶,所以拖到呢個時間先去買)所以基本上準爸爸就要做搬運工人啦!我地已經將d野分開好多次買,有時又會送貨返屋企,但有d真係要自己拎。準爸爸一個人得兩隻手,有時兩個肩頭一邊咩一個大袋,兩邊手一手再拎一個袋,我見到都覺得好辛苦。我問準爸爸不如你分d輕既比我拎啦,但佢一路好辛苦咁一路拒絕我咁講:得啦!得啦!我地慢慢行,唔洗急‌~我成日聽d人講,男人有時就好似superman咁,我終於都明白呢一個道理啦~

3. 心痛BB踢到老婆叫痛

最後,就係準媽媽,準爸爸同埋係肚仔入面bb既3人既溫馨時光啦~

bb 7-10個月既時候,胎動比較大動作d,好多時郁既時候準爸爸都可以摸到。我個小寶貝呢,就比較活躍,好多時既郁動都比較大,所以準爸爸成日都可以摸下佢。有一次bb突然踢左一腳,大大力既,我就哎呀左一聲,佢爸爸好醒目咁知道係bb踢我,佢就同bb講:喂!好啦喎,唔可以成日踢媽咪架喎!成日踢隻腳仔會攰架ma,試下用拳頭打啦!呢個準爸爸真係激死我呀,個一刻都唔知好嬲定好笑呀~

(爸爸係facebook share 既caption)

10月懷胎呢一段時間,你話長又唔係好長,話短又唔係短。但呢10個月入面,準媽媽同準爸爸都經歷左好多好多既事情,當中甜酸苦辣樣樣齊,之後既路仲有好長好長。大家仲要一齊照顧一個新生命,大家互相體諒,互相愛護,互相珍惜,彼此緊記大家既最愛永遠係大家,我相信冇一樣野仲可以難得到各位準媽媽同爸爸~我地一齊努力!

==============================

Text & Photos:Doris

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: MamiDaily


Share to Facebook