韓國媽媽擔心BB喺機上失控 為全機人準備小禮物包

帶BB出國，除咗擔心要準備一大堆嘢之外，最擔心就係BB喺飛機上因不適大喊！有位韓國媽媽因擔心BB喺飛機大喊，會影響其他乘客，所以貼心為全機人準備咗一份「禮物」！

依位韓國媽媽今次要帶BB由韓國去往美國三藩市，喺依10個鐘長途機中，如果BB失控真係會帶來極度不便，所以媽媽決定向全機超過200名乘客派發一包，內有4粒糖、1筒糖、1塊餅同耳塞，仲附上感謝字條！

字條上，喺由媽媽以BB角度寫：「Hello，我係4個月大嘅Junnwoo。今日我同嫲嫲仲有媽媽一齊去美國探我姨姨。因為係我第一次飛行，所以我有小小緊張同驚呀！可能因為咁樣我會忍唔住喊或者製造好多嘈音。我會嘗試保持安靜，但可能不能夠作出承諾，希望你能夠原諒我！我媽媽幫我準備咗一個小小物品包比你，裏面有糖同耳塞，如果我製造嘈音時，你就用下佢哋喇！祝旅途愉快，謝謝！」

有同機乘客將依件事分享到社交網站，讚揚依位媽媽嘅舉動好窩心，因為作為爸爸嘅佢都明白有時真係好難預料BB會喺機上遇到咩時，可能會令其他乘客帶嚟不便。

唔少網民都話有時真係會頂唔順同機有小朋友，但覺得爸爸媽媽有盡力照顧其他乘客感受真係一件值得讚嘅事！

Text：Mami Editorial

Sources：news.com.au