私人時間要擱置 爸爸媽媽洗手間終極粉絲

由懷孕一刻開始，媽媽同BB已經不能分割，但原來去到生完後，BB都會黐到媽媽實一實！媽媽想自己一個靜下都好難，甚至去洗手間想自己一個人都係妄想！

台灣有媽媽喺社交網站分享咗張BB破門入洗手間嘅相，BB整爛門口嘅通氣位，然後爬入，媽媽隨即留言話：「走開！！把我最後的自由還給我啊！！」之後引來唔少媽媽嘅共鳴，話：「我家也是這樣...洗澡洗一半突然蹦出一顆頭。」、「哈哈哈哈哈！ 好厲害女兒只會狂敲門， 大哭哭到我都懷疑關門夾到她。」、「我兒子也是，洗澡拉屎刷牙一定蹲在廁所門看著我 ，洗澡都有粉絲看」

有唔少爸爸媽媽貼上類似情況，話有時BB直情係要入埋去，坐係到睇爸爸媽媽去洗手間！有時好少少畀爸爸媽媽關門，都會喺出面不斷偷睇，直到爸爸媽媽出嚟先會安心，睇嚟爸爸媽媽如果想要私人時間，就要再等BB再大啲喇⋯⋯⋯⋯⋯⋯

Text：Mami Editorial